盧覓雪首度公開三圍數字 自爆單戀對象似林子祥

人生第一個單戀對象。

昨日（6日），盧覓雪接受網上平台《盒子BOX channel》訪問，為節目《月傾會》擔任最新一集嘉賓。節目開始，星級主持人林柏希（William）問嘉賓老友雪雪，點解要攞苦嚟辛搞棟篤笑，正積極為11月兩場棟篤笑備戰嘅雪雪就話，做人要跳出舒適圈先得，「當你enjoy一個工作，你係唔會覺得辛苦！當然棟篤笑我係完全未做過㗎，我依家都知道係攞苦嚟辛嘅，但係如果作為一個藝人，你係要嘗試一啲唔同嘅嘢，人唔可以永遠都喺自己個comfort zone！」

盧覓雪日前接受林柏希訪問。

雪雪表示近日積極為11月兩場棟篤笑備戰。

問佢覺得自己有咩最吸引人，雪雪就搞笑咁講，「梗係靚女㗎啦，同埋身材啦！靚女自然贏咗一半。」之後認真咁話，「我覺得最主要係本身《晴朗》好多粉絲，我曾經做過又離開咗啦，咁多年後我再返去，難得嘅就係林海峰都仲喺度，冇林海峰，個節目都冇咗㗎喇我相信！」雪雪仲話同商台《晴朗》班底本身已經好有默契，「我哋本身有一個，愛嚟㗎！」

講到愛，林柏希話要同盧覓雪傾下「雪雪的愛情」，57歲盧覓雪就苦笑：「我真係蒼白，啲人成日問親我，唉，乏善足陳都唔好意思講，真係有咩好講！」問佢幾多歲初戀，佢話：「我覺得所有嘅初戀都係單戀！」跟住自爆人生第一個單戀對象，竟然係一個外貌好似阿Lam林子祥嘅大哥哥，「一個我家姐啲朋友個朋友嗰類啦，大哥哥，嗰個大哥哥其實簡單啲形容呢，就係好似阿Lam咁嘅樣，林子祥咁㗎！」現正單身嘅雪雪，錯過結婚生兒育女時機有冇遺憾？佢話：「冇得後悔㗎，呢個世界冇如果㗎！依家我兩隻貓，不知幾咁可愛，我都做緊阿媽㗎！」

林柏希再問雪雪，3年之後嘅盧覓雪，仲會唔會住喺香港呢？「呢個真係冇人夠膽講，我自己答你唔到，擔心嘅，即係我唔會想離開香港，我係好鍾意香港嘅一個人，但係你問我呢個問題，我完全唔夠膽答你呀，因為今日唔知聽日事，依家個世情變得太快，好複雜！」

挑戰真心話大冒險！

如果雪雪唔敢答，即接受恐怖食物挑戰。

傾完偈，輪到遊戲重頭環節《大膽答 冇膽食》呢個真心話大冒險挑戰啦！如果雪雪唔敢答，即接受恐怖食物挑戰，今次嘅食物就係從越南空運而來嘅鴨仔蛋。雪雪一見到啲鴨仔蛋，睇見都驚呀，即刻話自己一定會答晒啲問題，唔會俾自己有機會食到啲鴨仔蛋，而身旁嘅林柏希當然好驚要自己食晒啦！一開始就問雪雪嘅三圍數字，敢言雪雪即刻答：「我真係唔係好掌握我自己三圍數字，cup數我記得嘅，因為我瘦咗之後，依家係C級啫！我依家都唔係好sure 36定38（上圍）咁啦，腰呀，我諗32咁上下啦，籮柚應該40！」

雪雪見到鴨仔蛋個樣勁驚，仲遮住對眼唔敢望林柏希食！

大膽答，輪到主持林柏希要食，雪雪見到開咗隻鴨仔蛋個樣，遮住對眼唔敢望林柏希食喎！跟住林柏希就問雪雪，心裏面鬧過李力持同梁思浩最狠嘅一句說話係咩？大家都記得雪雪同李力持之前嘅誹謗事件，曾鬧上法庭，雪雪獲判勝訴；而梁思浩言論亦曾經激嬲雪雪。事過境遷，雪雪依家話：「你問我嗰兩件事，我都好唔高興啦，但係我又唔係真係嗰種18個字粗口嗰啲，我諗我當時，其實我諗唔返，因為過咗去，已經擺低咗好耐，我諗我係話，呢啲乜X嘢人嚟㗎呢啲！」

最後林柏希問雪雪有冇同圈中人拍過拖，同埋有冇任何公眾人物係性幻想對象？雪雪話：「冇啦啦點會有，你要記住，梁朝偉會唔會追我吖？」林柏希就抵死咁話：「咁圈中人都可以係羅莽嘅！」雪雪即刻爆笑，「咁我又識唔到羅莽，我同林雪好好感情，OK，我會鍾意林雪囉如果係！」兩人都笑到收唔到口！

雪雪話人生第一個單戀對象，係外貌好似林子祥嘅大哥哥。

盧覓雪唔收貨！

國際邁阿密（Inter Miami CF）上周日（2月4日）對香港隊表演賽，萬眾矚目的阿根廷「球王」美斯全場「齋坐」，賽後又拒絕發言互動，引起球迷不滿，更有人大嗌「回水」！香港主辦方Tatler Asia 昨日（2月9日）宣布，透過官方渠道購買門票的公眾，提供50%的退款，退款安排的詳情將於下月另行通知。Tatler Asia形容「感到又被打了一記響亮的耳光」，並公開賽事的收支表，指球賽收入約1.5億元，包括門票銷售、贊助、商品收益等，而舉辦賽事的支出約1.4億元，預料退款將涉及5,600萬元，最終活動虧蝕4,300萬元。

「球王」美斯上周日（4日）隨國際邁亞密訪港，與香港隊合演表演賽，卻坐足全場，引起在場大批球迷不滿，噓聲四起。（AP圖片）

美斯周三（2月7日）晚於日本為國際邁阿密上陣踢友誼賽，落場約30分鐘。國際邁阿密教練馬天奴指，美斯賽後感覺良好，重申美斯日前在香港未能出賽是不幸，指當日即使只是上陣幾分鐘，對美斯都會構成風險。（AP圖片）

當日有份入場觀賞賽事的盧覓雪接受傳媒訪問時，表示除了買飛入場的球迷外，經贊助商取得門票的也不在少數，疑問到底這批入場人士能否也取得退款。她表示對這個安排的公平性有疑問，直指：「魔鬼在細節嗰啲，就咁聽大仁大義，係咪咁真係大仁大義呢？」

對於主辦肯退款一半，當日曾指「我當然而家好失望啦，我斷估唔係嚟睇G.E.M表演嘅。」的盧覓雪，直指：「魔鬼在細節嗰啲，就咁聽大仁大義。」

買了$2,280門票入場的釗峰，直言對於可以退回一半感到意外，又指希望美斯能健健康康再回到香港踢波。