許廷鏗爆曾嘉晴喊住道歉 嬲爆譴責冒認者誣衊行為

詆毁人就唔啱。

許廷鏗(Alfred)今日到電台宣傳，Alfred日前在IG直播時，被一位IG賬號叫「Angeltkc」的人留言，聲稱被Alfred搞大個肚，又力數對方人前人後兩個樣，要求公開兩人情侶關係，否則就要他公開道歉。

許廷鏗今日宣傳新歌。

其後該帳號發現是新演員曾嘉晴（Angel），但事後她澄清被假賬號騷擾。為此，Alfred說：「今次我真係恭喜你啦！我都身受其害，都試過被人冒認，個女仔ig頭像相唔係當事人，我知道當事人係啱啱喺娛樂圈打滾，唔希望呢啲冒認事件影響佢嘅事業。當事人聯絡過我，仲喊住同我講唔好意思，佢都唔知冒認人嘅身份，但呢種係惡意行為。如果誣衊或者構成誹謗行為就唔可以容忍。」

曾嘉晴事後出聲明表示自己被冒認！

他又指當事人的相片原本沒打算公開，雖然這次事件對他來說可以一笑置之，但這種行為希望能夠理解到事件的嚴重性。

曾嘉晴近日有新戲上畫！

問到可覺得自己得罪人？ Alfred笑言相信自己沒有得罪人這麼深，不過也不想將事件放大，令造謠者更亢奮。

許廷鏗不想將事件放大，令造謠者更亢奮。

對於自組公司後推出新歌《佛系人生》，Alfred表示由零開始到策劃、行台都是一腳踢，之前一晚更睡不著，因為擔心會有甩漏，又指會計劃推出一張實體碟，預計投資七位數，幸好獲得好多客戶支持，將來也會舉行音樂會，他又表示由細到大被人叫「AH佛」，又指佛系有好多種解讀，當中有人覺得緣份到自然會成功，但他反而認為要努力去做，結局則隨遇而安。

許廷鏗表示當事人曾聯絡過自己，喊住講唔好意思！

許廷鏗表示當實體唱片是自己的卡片。

許廷鏗（Alfred）日前舉辦新歌試聽會及簽名會，由中午2點簽到晚上九時，Fans沿途各站上車見偶像，Alfred簽名都簽到手軟：「電車做新歌試聽會及簽名會，我之前好忍手唔幫Fans簽名，因為想等到今日先簽名，可以喺電車度同大家傾吓計，我同歌迷之間似朋友多啲，佢地已經唔會簽叫，所以呢日都會以親民為主。」

Alfred日前在電車舉辦新歌試聽會及簽名會。

Alfred新歌《多多指教》推出在即，亦宣布即將海外宣傳：「廣東話有時頗限制，但如果令其他地方了解多啲廣東話，呢個講法有啲偉大，但最想自己嘅音樂去到唔同嘅地方。」呢日雖然舉行「簽名會」，但中途發生「哈碌」情況：「我本來準備咗十幾枝簽名筆，不過呢一刻應該仲喺我張床度！簽名會唔記得帶筆真係癲咗線，好彩我有個美麗嘅Fans借咗枝筆比我，應該都頂到兩站嘅，不過都叫同事幫手去撲筆。」

Alfred宣布即將海外宣傳新歌。

Alfred笑言自己與Fans沒距離，仲話自己不時「周圍去」，希望與大家貼近：「希望用自己嘅影響力比其他人聽到，所以好多時作品源自Fans嘅DM，成為創作嘅養份。而出碟係因為自己『老餅』、『老派』，想要有實物喺手，我都當唱片係自己嘅卡片，不過張卡片嘅製作費好貴，只要有人買同想我簽名，所以都會製作。」佢就話同贊助品牌熟絡，碰巧對方電車有空檔，Alfred即時借用舉行互動簽名會，仲話有機會巡唱，叫歌迷跟住一齊出Trip。

Alfred笑言自己與Fans沒距離。

雖然實體碟製作費好貴，但Alfred指只要有人買同要他簽名，他都會製作。