黑雨下水浸入屋 方俊望水為財

出錢出力照顧張偉文。

昨晨大暴雨引致全港多處水浸，「靚聲王」張偉文(Donald)監護人兼好友方俊(Aman)位於九龍塘寓所都水浸到入屋，因為大廈去水渠淤塞，所以倒灌上一樓其住所，水位由露台湧入屋浸咗半個客廳，客廳地氈全部遭殃！

方俊屋企喺黑雨下浸咗半個客廳，睇見都頭痛。

由於Aman趕住陪張偉文往電視城錄影《善心滿載仁愛堂》未有時間跟管理處交涉，但見到「災情」頭都暈，好彩家中鋪地磚，而家中所有都係有腳傢俬。

其實方俊都好有唱歌及演戲才華，曾同甄妮演出。

Aman相當無奈說：「希望成日做善事，會善有善報，水為財啦！」

方俊會盡量抽時間同張偉文行吓街，食吓嘢，等佢冇咁悶。

日前TVB節目《東張西望》播出張偉文受訪的片段，期間張偉文喊爆公開感謝好友方俊嘅照顧，他一度哽咽說：「我得一個人，乜都係自己諗自己做，好多謝佢啦！」

方俊出錢出力，張偉文喺《東張西望》喊住公開感謝他照顧，連網民都激讚。

方俊被感動到眼紅紅回應話：「偉文係我前輩好提攜我，佢行動唔方便，需要人照顧，我會盡量抽時間同佢行吓街，食吓嘢，等佢冇咁悶。」

方俊都有拍劇做小角色。

事後他向本報記者表示當時聽到張偉文咁講好突然，其實內心一樣好感觸。

方俊經常宴請朋友到家中飯局，好讓陪吓行動不便嘅張偉文。

唔少網民大讚方俊有情有義，即使冇血緣關係都出錢出力咁照顧張偉文。

因為方俊趕住車張偉文入TVB錄影，黑雨下水浸入屋都只能交畀家傭處理。

方俊在演唱會上與張偉文相擁哭個不停，場面感人！

方俊4月15日在新光戲院舉行《維港口腔呈獻方俊燃亮愛演唱會2024》，獲恩師「靚聲王」張偉文在台上力撐，師徒更合唱一曲《每當變幻時》，張偉文不停流淚，方俊和他相擁哭個不停，場面感人，姚煒則以特別嘉賓身份上台獻花，至於方麗盈、王美蘭及新加坡歌后麗莎則助陣演出。

演唱會一開始方俊先以演繹8分鐘電視劇主題曲medley，包括靜婷《痴痴地等》、關正傑《殘夢》等，還演繹《訪英台》《山歌姻緣》。方俊更藉著今次個唱給予視障人士發揮才華平台，邀得香港盲人輔導會轄下The Cheers 樂隊合唱《We Can Overcome》，讚揚視障朋友正面樂觀態度值得敬佩。之後姚煒驚喜上台獻花，她被感動得眼有淚光，有感而發道：「好多人問我點解對方俊好？因為我覺得喺圈中搵唔到呢種人，佢係一個孝順仔，對朋友好又真心。見到佢同視障人士演出嘅場面真係好感動，散發出好大嘅感染力及正能量，亦給予我好大嘅鼓勵。」

方俊與香港盲人輔導會轄下Cheers樂隊合唱 「We can overcome」

之後由3位表演嘉賓分別演繹自己名曲外，方俊和方麗盈合唱《叉燒包》時，麗莎姐姐在後台第一次聽到這首歌曲，更笑言以為他們唱 「衰仔包衰仔包」，大家都捧腹大笑。張偉文則成為壓軸嘉賓，方俊特別選唱了張偉文的首本名曲《離別的叮嚀》鋪排恩師出場，方俊對偉文說：「屋企我同媽媽相依為命；但喺舞台就同你相依為命，你知唔知有好多歌迷很想見到你？好關心經常問我你現況？其實呢個舞台係屬於你嘅。」張偉文即爆喊，台下粉絲狂叫「加油」，sharp醒的張偉文回應說：「我知道！」方俊感性道：「落實開騷第一時間係通知你，更特別揀選唱你嘅名曲唱畀你聽。」張偉文呼籲觀眾全場一起開著手機燈一齊唱。二人便合唱了一曲《每當變幻時》，唱歌期間張偉文不停流淚，場面感人，方俊多謝大家一直關心張偉文的健康：「今日大家見到佢係一個健康嘅人，唔理世界點變幻，我哋都係咁愛錫張偉文。」之後著全場觀眾開著手機燈來個千人大合照，將相片放在張偉文的床頭，提醒他有很多人支持及愛錫他。

當方俊為大家送上全新歌曲「鼓舞」時，方俊竟然與一班美少女中學生勁歌熱舞，美少女中學生與現場觀眾紛紛為方俊喝采及歡呼，方俊首次在台上載歌載舞，驚喜連場。Encore 時方俊一口氣唱了3首羅文經金曲《長城謠》、《好歌獻給你》、《願望就是明天》，為個唱劃上完美記號。