*

upload_article_image

回憶同許冠武拍拖12年 吳麗珠臨結婚先覺悟:根本唔喜歡嗰種類型

至今仍單身的吳麗珠(珠女),近日接受電台《舊日的足跡》訪問,過去她只曾跟陳百燊和許冠武扯上關係,她說:「我有好多段感情,只係嗰兩段被人知道,不過我唔抗拒,我見過有人70歲結婚,我未試過,可以試吓。結婚唔一定等於幸福,當年同陳百燊係訓練班同學,一齊幾年,分開咗我唔想搬返屋企,余慕蓮(余毛)就租咗間房畀我住咗一年,所以我好錫余毛,佢係我恩人。」

吳麗珠憶與許冠武拍拖12年 結婚前才反思非那杯茶

許冠武(左)是許冠文和許冠傑的兄弟。 

吳麗珠憶與許冠武拍拖12年 結婚前才反思非那杯茶

陳百燊(右)則是陳百祥弟弟。

至於與許冠武一齊12年,應該好穩陣?珠女卻說:「可能我唔係要求呢一樣嘢,我哋拍拖唔係Sam(許冠傑)介紹,因為我哋(與許冠武)都鍾意夜蒲鍾意飲酒,分開咗先反思原來我根本唔喜歡嗰種類型,我着重玩要投入之外,做事都要認真同有責任感。當年我哋計劃去拉斯維加斯結婚,連主婚人都約好,但嗰陣我剛出嚟做地產,見到外面嘅世界,感到對方未必適合自己。我同佢傾,佢似乎冇乜反應,我再表示我要離開,佢都冇反應。」

- 閱讀更多 -

往下看更多文章