Bowie笑言,staycation完又要儲糧備打風。
剛剛過了30歲生日的張寶兒(Bowie),連日來與家人及好友們慶祝生日後,正日(10日)當然與老公袁偉豪過二人世界,雖然颱風「獅子山」日前吹襲香港,不過仍然無阻兩人的雅興,皆因當日袁偉豪book定酒店與老婆來一個生日staycation。
Bowie昨日(11日)在IG分享了當日慶祝的相片並留言:「好久沒有穿裙子去撐枱腳,上次和你一起穿靚靚應該是⋯⋯台慶?拍嘢?做嘢?三十歲來點少少的儀式感,多謝老公,今晚通頂加油!#三十而已 #滿足感 #staycation完又要儲糧備打風 #祝大家安康」。
Bowie昨日在IG分享了當日慶祝的相片!
張寶兒扮靚靚老公撐枱腳。
袁偉豪亦有晒合照祝賀老婆:「忙碌中能夠抽時間陪伴太太過生日,感恩!」兩人所post的合照當然溫馨兼浪漫,不過遠遠不及Bowie所貼的一段切蛋糕許願的短片,片中見到Bowie誠心許願後,用手拍不熄蠟燭,於是袁偉豪說:「生日快樂!吹喇,打咗兩針冇所謂喇!」Bowie笑笑口說:「你都係食番我啲口水,哈哈!」糖份真係極高!
袁偉豪很有童真!
「袁咕碌」人如其名「圓咕碌」,更可愛到「畀女圍」,比爸爸更受歡迎!
張寶兒(Bowie)與袁偉豪(Ben)結婚三年,二人在去年6月公布懷孕的喜訊,愛情結晶「袁咕碌」袁晞祐於同年11月出世。已經四個月大的「袁咕碌」人如其名,體重達同齡的生長線的頂點,更可愛到「畀女圍」,可謂比爸爸更受歡迎!
張寶兒與袁偉豪上月為寶貝仔舉行百日宴,筵開32席,廣邀圈中好友分享喜悅。
「袁咕碌」人如其名「圓咕碌」!
袁偉豪和張寶兒日前帶了「袁咕碌」到醫院做兒童保健,張寶兒在IG分享影片,片中袁偉豪抱着囝囝專心聽醫生講述報告,醫生說:「今日重8.08kg,都去到好頂頂,身高64.5cm,挨近中線位,頭仔同之前差唔多41.5cm」。張寶兒大讚讚「袁咕碌」好犀利,並問囝囝對報告是否滿意,想不到「袁咕碌」好像聽得明,竟然向媽媽點頭,非常可愛!
袁偉豪抱着囝囝聽醫生講報告。
「袁咕碌」體重達8.08kg,達同齡的生長線的頂點。
袁偉豪好聽。
「袁咕碌」都好專心聽。
聽到媽媽張寶兒對報告是否滿意?
「袁咕碌」向媽媽點頭回應。
好可愛!
張寶兒留言道:「晞祐BB去咗做兒童保健~見返熟悉的姑娘姐姐同埋醫生哥哥,你一啲都不怕(陌)生,生長圖仲顯示你已經係人哋六個月的高度同重量,睇嚟你自己都好滿意呢個成績!咁返屋企你就繼續加油吃奶做運動啦!媽媽睇好你!#袁咕碌 #四個月 #會點頭示意的寶寶 #兒童保健」。
此外,張寶兒又分享了另一段影片,可見「袁咕碌」被五名護士圍着,並爭相要抱抱他,張寶兒也忍不住笑說:「睇吓幾多姑娘圍住佢,爸爸繑埋手,哈哈!你睇吓幾多人圍住佢,哈哈!」被「忽視」的袁偉豪只能無奈地看着囝囝笑。
見完醫生,「袁咕碌」就「畀女圍」。
袁偉豪都好無奈。
五名護士爭相要抱抱「袁咕碌」。
比爸爸受歡迎!
不少網民看過影片後都笑指「袁咕碌」比爸爸受歡迎,「晞祐大受歡迎」、「兒子太受歡迎啦!爸爸都要企一邊」、「唔怕生保人,好叻仔」、「好醒目,好得意呀」、「B好可愛,他唔驚人好勇敢好叻仔,他做健康檢查咁乖一定可以健康成長」、「人見人愛的bb」、「佢仲受歡迎過爸爸」。