周奕瑋見女團成員陷自信危機 吳業坤靠兩舊水戰衣翻身

與日本女團拍MV。

吳業坤（坤哥）及周奕瑋（Jarvis）主持的TVB節目《＃好掛住日本》,將於今、明兩晚（12及13日）播出最後兩集，兩位主持將會搞大龍鳳殺入女團挑戰日本偶像界盛事《@JAM EXPO 2020-2021》！平時招招積積的「Jar坤」，向女團成員自我介紹時連番失利，坤哥突然語塞，Jarvis更驚現語言錯亂！之後二人參與了一連串女團特訓，包括排舞、錄音及聲樂訓練等，期間手腳唔協調的Jarvis慘陷自信危機，單是練舞已錯漏百出，記錯拍子、走錯位、忘記動作等應有盡有；而身為歌手的坤哥，錄音期間亦是狀況百出，令原本已很騰雞的Jarivs更為絕望：「最後嗰刻嘅自信都冇埋。」經過連日努力，「Jar坤」最終冒著35度高溫，身穿價值HK$200的戰衣上陣與女團拍MV，表現似模似樣，到底最終二人能否成功隨團登上@JAM EXPO 2020-2021舞台，便要密切留意《＃好掛住日本》最終回。

Jarvis（左）講嘢講到亂晒籠，咩「語」都講齊！

另外，Jarvis於今晚將會帶大家走訪隅田川，除了讓大家感受一下日本小區的寧靜及貼地感，更順道帶大家參觀了月租約港幣一萬多元的小型單位。雖然該個單位只有三百多呎，但「麻雀雖小，五臟俱全」，不但景觀一流，而且間格實用，不但多位置放置雜物，閣樓的設計更是慳位又特別！兩人亦把握機會進行美食衝刺，其中較為特別的，是原來日本人會吃燒肉當早餐，而「Jar坤」介紹的燒肉早餐價錢只需HK$40左右，已有齊飯、湯、雞蛋及主食，夠晒平靚正！二人還走訪了別具特色的無酒精酒吧、每星期都有新菜單推出的有Heart法式拉麵店、估你唔到咁方便嘅小食販賣機等，務求最後衝刺將美食速遞到觀眾眼前。

坤哥連錄音都遇到困難。

Jarvis（右）似乎好懊惱！

呢套戰衣，係咪一啲都唔似HK$200咁平呢？

坤哥（左）同Jarvis無論食乜都好似特別滋味咁！

小食販賣機竟然可以買到熱辣辣嘅拉絲多士！

「Jar坤」拜見日本女團，二人全程表現「失準」，有冇咁怕醜呀？！

黃翠如、周奕瑋及C君首度碰頭已經好有「火花」！

全新綜藝節目《渣打優先理財特約： Grand 住去台北》，由今晚（20日）開始，一共兩集於周六晚九點翡翠台播映。節目由拍攝旅遊節目經驗豐富的黃翠如及周奕瑋（Jarvis），首度夥拍名嘴兼「綜藝大腦」C君擔任主持，以「相愛相殺」的搞笑互寸方式，帶領觀眾體驗香港人最愛旅遊熱點之一的台北的不一樣豪華體驗，並齊齊首度體驗包機外遊滋味。

三位首度碰頭已經好有「火花」。

DoDO姐好搶鏡。

呢間一星米芝蓮餐廳嘅每一道菜都好有特色，三位主持都食很好開心。

以介紹衣食住行豪華新體驗為宗旨的《Grand住去台北》，今晚播出的第一集將介紹三大特色豪華體驗，包括連續六年獲得米芝蓮的一星當代料理餐廳、五星級豪華露營車體驗，及充滿藝術氣息兼有無限打卡位的台灣新興精品商場。先說米芝蓮一星餐廳，除了8道特色料理只需約970港元CP值夠晒高，每道菜選用的材料亦甚有特色，先後有紫色海膽汁、台灣地道蔥油餅，及檳榔入饌等，其中一味石班魚更令三隻搗蛋鬼玩個不停。食完大餐，三人與負責設計及主理菜式、來自香港的廚師Chef Kin閒談，Chef Kin開心share了在台灣創立富有自己特色料理的進程，並指料理特色是呈現「廚師本身的故事及心路歷程」，C君聞言即感嘆謂：「我哋食咗你嘅人生。」

食食吓仲搞埋爛Gag。

每一道菜其實都係Chef Kin嘅人生同經歷縮影。

翠如為咗影靚相無所不用其極。

Room Tour都搞到好歡樂。

球場得意嘅翠如，喺煮場就相當失意。

體驗露營車期間，翠如則模特兒上身大晒玉臂跪求「攝影擔當」C君影靚靚寫真，Room tour期間三人再度大玩床照沙龍，C君更驚爆翠如是風水物：「黃翠如係風水物，佢喺任何地方啲風水都好好多架！」之後三人各自在精品商場搵節目，翠如獨自到了一間以文青風做主打的書店尋寶，並大爆自己出Trip時的怪癖：「我去到唔同國家都會買一本書，仲要買當地嘅語言，所以喺唔同國家買嘅書，我全部都係睇唔明，但我就係鍾意擺喺度。例如我有本德文書、一本非洲雜誌等，雜誌係我好鍾意買嘅嘢，因為可以睇到當地人嘅生活。」

搞到C君嬲嬲豬。

翠如自揭怪癖，就係鍾意買埋啲睇唔明嘅書。

三人出發之前，在香港機場亦有趣事發生，就是偶遇了英文名叫DoDo的靚女地勤，DoDo更配合三位無聊的主持大玩爆肚式「角色扮演」，盡顯美貌與喜感一面，令C君大感驚艷之餘，亦為整集節目加添了一個小彩蛋。

Jarvis去咗學滑雪，個樣都幾驚青喎。

翠如另外仲去咗一個好有特色嘅展覽。