開會撞正掛八號風球 阿正孖拍檔Elsie被逼滯留電台過夜

瞓醒直接開工，幾好啊～

黃正宜（阿正）昨天（12日）要回電台與節目拍檔呂珮琳（Elsie）開會，回到電台後，天文台卻宣布將掛八號風球，導致二人滯留在電台。

好姊妹做埋好同事。

Elsie似乎有啲黑仔。

阿正昨天（12日）在IG限時動態分享與Elsie的合照，指二人受天氣影響需在電台留至深夜。Elsie更上載阿正在梳化睡覺的照片，而她亦爭取時間剪片。不過因為打字幕太辛苦，Elsie為方便改用語音輸入，卻被一旁的阿正取笑似撞邪。

網上圖片

打風走唔到。

既然冇得走，不如剪下片。

一起身就可以返工，其實都好方便。

吳浩康、阿正、舒文樂出席《The Singleton Just Sing》記者會

源於1838年的The Singleton為知名蘇格蘭威士忌品牌，多年支持香港音樂會事業，除贊助不少音樂節活動外，亦支持香港音樂發展，近日全力支持耀榮文化舉行《The Singleton Just Sing》歌唱比賽，發掘樂壇超新星。於2024年4月11日，吳浩康、阿正、舒文樂出席《The Singleton Just Sing》記者會，吳浩康表示近日工作忙碌，感謝老闆願「夾期」開工：「最近都多翻好多工作，多謝咁多客戶支持、網民每一個Like！（日期地盤火災，家人擔心？）地盤好多意外潛伏，每日返工都唔係講玩，家人都知地盤危險，佢地一早都擔心咗。」

合照

吳浩康表示近日工作忙碌，感謝老闆願「夾期」開工

而電台節目主持阿正就話自己鍾意同閨蜜飲兩杯， 不過自爆酒量「麻麻地」：「 因為我平時都要做司儀，要長期保持清醒都唔敢飲，所以返到屋企先至會同啲朋。」不過講到阿正至愛嘅Jeffrey 魏浚笙，阿正話見到Jeffrey「自帶酒精效果」，望住佢長期都「暈暈哋」好有魔力，但坐對方座駕就會即時酒醒：「如果喺坐Jeffrey嘅車就冇酒醉感，反而係清醒咗，因為危機意識好強，要掹大眼睇清楚周圍，可能會喺最後一秒睇到呢個世界。 」

電台節目主持阿正就話自己鍾意同閨蜜飲兩杯

音樂監製人舒文樂見新人湧現，坦言要新血令樂壇添朝氣：「每個人的聲線都有不同的特質，我盼活動為樂壇找到新血，上去舞台放鬆去唱、享受當下最重要。」至於音樂人係咪大部份都會鍾意飲酒? 舒文話大部份音樂人都係唔清醒嘅，因為喺唔清醒狀態表現係最好，而音樂係潛意識，要用盡方法將理性抹走，而好味嘅酒精係幫助到。

音樂監製人舒文樂見新人湧現，坦言要新血令樂壇添朝氣