男網民發文抱怨，指早前相約一名女網友外出約會，花費近2000元又食又買後，打算再進一步發展時，對方才告知性格不合，令他大怒。
網民相約女網友，花費約800元進食日本菜。示意圖片
發文者在「香港討論區」稱，在交友程式聊天約半個月後約了女網友出來用餐睇戲，問對方想食甚麼，對方就帶了他去一間日式餐廳食壽司刺身。發文者形容「貴到痴線，佢又好似三日無吃嘢咁，係咁食，我自己已經就住咁食，最後佢話飽，但係就仲有好多食物，埋單八百幾蚊，我就去吃佢啲手尾。」
設計圖片
發文者用餐後打算去戲院睇戲，女網友其後拉他去逛時裝店買衫，結果買了兩條連身裙，又花費他近1000元。最後他提議行公園，希望拖手親熱一下，「點知我一拖手，佢立即彈開，問我係唔係有病，未經佢同意就拖下手，話我性格有問題，唔可以同我發展落去」。發文者於是怒斥對方「又食又拎，到最後連拖下手都話我有病」，對方見狀歸還兩條裙並藉詞有事離去。
設計圖片
事件惹來網民爭議，有網民留言稱，「八佰幾蚊你有份食，至於買衫你扮大方埋單無計，而最後比返兩條裙你，我諗你一定覺得已經洗咗錢所以可以飛擒大咬！」發文者解釋，「唔係我扮大方，係佢話無帶錢，唔通係鋪頭同佢吵咩，好失禮」。發文者又指「好彩我最後都拿返二條裙，如果唔係真係蝕到入肉」，並指該條裙轉交媽媽穿著。
也有人認為這些女子斂財手法時有發生，呼籲男網民不應輕易上當。
帖文轉載自「香港討論區」
網民相約女網友，花費約2000元後，打算拖手被拒。示意圖片
食客叫連鎖快餐店外賣驚見「超薄切豬扒」、「紙咁薄西多」，引網民嘲諷「燈影豬扒」、「西多紙」。
食客買外賣驚見「超薄切吉列豬扒」
有食客於Facebook群組「香港茶餐廳及美食關注組」發文，表示日前到某連鎖快餐店買外賣，當打開外賣後盒，驚見其中的吉列豬扒超級薄，更揶揄「薄切吉列豬扒，真係好功夫」。從照片中可見，這塊吉列豬扒真的非常薄身，外層的炸粉比肉更厚，十分誇張。
有食客光顧連鎖快餐店買外賣，驚見「超薄切吉列豬扒」。（FB圖片）
引網民揶揄「燈影豬扒」
照片一出，不少網民批評快餐店離譜「偷工減料好嚴重」、「加價好過降低食物品質，做臭自己個招牌」、「根本用肉片，佢都好意思俾人食」；網民更紛紛嘲諷「傳說中嘅燈影豬扒」、「豬肉乾厚過佢」、「係吉列火腿」、「炸紙皮箱」、「俾鍾意食脆漿嘅人食」、「要利潤厚啲都要練刀法㗎」、「以後可以話人情豬扒咁薄」、「吉列皮厚過肉！」、「爭少少薄過A4紙」。
有網民留言表示亦曾經中伏。（FB圖片）
又係連鎖快餐店出事，食客堂食「西多紙」
其後，又有另一食客於同一Facebook群組分享類似中伏經歷，表示日前到某連鎖快餐堂食，點了雞髀拼西多士，豈料西多士竟然薄如蟬翼，他立刻拿出身上的拉尺一度，件西多竟不足0.5厘米厚，從照片看，根本看不出來是一件西多，樓主苦笑言「好食，皮薄餡靚，大推」。
有另一食客遇上「西多紙」。（FB圖片）
網民笑「人情薄⋯西多仲薄」
帖文同樣引熱議，有網民搞笑表示「西多紙」、「而家牛角包都興壓扁黎食，可能佢跟潮流啫」、「師兄腐皮嚟㗎喎⋯」、「我以為係餐紙嚟」、「人情薄⋯西多仲薄」、「炸雲吞皮？」、「可能係春卷皮」、「又有納米吉列豬扒又有納米西多，香港真係飲食天堂」、「人情紙咁薄已經過時，而家興用吉豬或者西多」。
網民分享「超薄叉燒」。（FB圖片）
有人分享「超薄紅腸」。（FB圖片）
帖文來源：Facebook群組「香港茶餐廳及美食關注組」
