Skip to Content Facebook Feature Image

90後下屬知掛8號風球欲早走 上司斥不上進捱批

社會事

90後下屬知掛8號風球欲早走 上司斥不上進捱批
社會事

社會事

90後下屬知掛8號風球欲早走 上司斥不上進捱批

2021年10月13日 17:44 最後更新:19:04

天文台於昨日下午預告發出8號風球後,打工仔紛紛提早放工,冀盡快回家。一名自稱公務員於社交網投稿,指其一名90後的下屬得知將改掛8號風球後,不停要求提早下班,令她甚感不滿,更怒斥該名下屬只要求早走不求上進,「你阿姐我住元朗都未出聲啦」!

資料圖片

資料圖片

事主於Facebook專頁「公務員secrets」投稿指,其一名負責文職的90後下屬於昨日得知天文台於下午5時20分掛8號風球後,以擔心多人乘車會引起交通混亂為由,不停要求提早下班。事主對於下屬的表現甚感不滿,「講起都扯火!話咩自己住得遠,驚一陣好多人坐地鐵返唔到屋企,嘈住話要早走!」更指自己住在新界區仍未緊張,「你阿姐我住元朗都未出聲啦」!

資料圖片

資料圖片

事主續指,即使當時立即收工仍需與其他打工仔一起等車趕回家,「而家收工就唔多人逼地鐵?」更怒斥該名下屬不懂感恩,「平時都唔會點叫你OT(加班),咁想返屋企咪辭職,8號風球世界末日咩?」

事主坦言昨日下午於辦公室樓下「放煙break」時,根本感受不到風力,故認為下屬只求早走不求上進,「好心啲90後ACO上進啲,用啲時間去諗吓點樣快啲完成手頭上工作,浪費晒時間去諗早走」。

設計圖片

設計圖片

帖文引起網民的熱論,有網民批評事主雙重標準,「仲有時間食煙,咁得閒就畀人走先啦」、「因為你唔肯早走,所以要陪你一齊冇得早走」、「自己有煙break,同事呻2句都接受唔到」;亦有網民指掛8號風球,要求提早走合情合理,「天文台出得預警就係俾人早走」、「打8號早走好正常,住得遠可以早啲先,住得近就遲啲走」。

90後下屬知掛8號風球欲早走,上司斥不上進,「我住元朗都未出聲啦」。《愛·回家之開心速遞》截圖

90後下屬知掛8號風球欲早走,上司斥不上進,「我住元朗都未出聲啦」。《愛·回家之開心速遞》截圖

資料來源:公務員secrets

往下看更多文章

婚後供養同住奶奶大伯卻遭針鋒相對 港媽更因丈夫1反應感無助

2024年03月28日 12:35 最後更新:14:54

港媽婚後要與奶奶及大伯同住,剛要負擔家中大部分開支,但兩人不但不體諒更處處挑剔,令她心情抑鬱。

有港媽婚後要與奶奶及大伯同住,亦要負擔家中大部分開支,但兩老不但不體諒,更處處挑剔,令她心情抑鬱。示意圖

有港媽婚後要與奶奶及大伯同住,亦要負擔家中大部分開支,但兩老不但不體諒,更處處挑剔,令她心情抑鬱。示意圖

該港媽於「親子王國」討論區以「結咗婚,就要養埋99同大伯?」為題發文大呻,表示婚後夫妻二人與奶奶及大伯同住,原本以為這樣的生活會和諧平穩「其實2公婆,大家做咩職業,搵幾多,冇計,只要大家互相支持,開心平淡生活就ok。一直抱住咁心態,所以結婚就同99,大伯住」。

不過相見好同住難,日子耐了,樓主開始發現奶奶及大伯的言行和性格令她感到極度困擾「住落佢地自己咩都係岩,人地永遠都為錯」。她指兩老經常以燒味或燒烤醃製的食物當晚餐,但當她購買外賣時,卻被批評不健康「我跨區返工,返工連車程都成12個半鐘,真係冇時間煮飯買餸」。樓主又憶述,新年時,娘家的親人到訪拜年,奶奶及大伯竟當面嫌棄親人準備的禮盒「喺我面前話唔鍾意,一d都唔理人感受」。

(Getty圖片)

(Getty圖片)

此外,樓主夫妻除了支付家庭的租金、水費、電費和上網費等基本開支外,還需要支付給奶奶湊孫的費用。相比之下,大伯只支付不到家庭開支的五分之一,這讓港媽感到相當不滿和委屈「我咁辛苦返工,要養一d唔適體諒,永遠都話你點點唔好既人,值得咩?」

雖然樓主與老公有能力搬出去住,但老公擔心兩老無法自理而拒絕搬離「我地2公婆絕對有能力自己搬出去住,只係剩返99同大伯,老公擔心佢地攪唔掂自己,所以暫時唔想搬開」,為此她感到非常抑鬱「真係好辛苦,努力辛苦返工,就係為佢地付出,值得咩?我又唔想決絕到自己帶亞b走。可以點做?」

Getty圖片

Getty圖片

帖文曝光後,不少網民認為如果有能力,就不應該繼續同住。奶奶及大伯都是成年人,應該能夠自理,而且可以考慮搬到附近,方便照應。有人認為只要每月給予固定的家用,就不算不孝。有人則建議她應該堅持自己的決定,不要忍受不公平的對待,並且應該與老公好好溝通,找到解決問題的方法。

帖文來源:「親子王國」討論區

你 或 有 興 趣 的 文 章