八號波下MIRROR被逼取消活動 IG晒新相氹返鏡粉

可惜。

鏡粉要傷心了，MIRROR今日本來有公開活動，但因為「圓規」8號風球，活動需要取消，令一眾鏡粉無緣與偶像見面。幸好，一眾MIRROR成員都好識Do，換上型爆西裝chok住影相，再先後出post發相慰藉fans。

大表哥似乎要開工！

MIRROR本來今日有活動，但因打風而取消！

姜濤發帖之餘又出限時動態，沒有多說什麼，單單是幾張靚仔相足令fans神暈癲倒，亦有fans發覺相中的姜濤好像又瘦了，於是問候他有否好好吃飯，擔心他身體出毛病。

姜濤貼靚仔相。

還有Ian，他上載的相片似乎仍未換上今日黑西裝為主的隊服，只見他戴帽戴口罩穿T恤自拍，並留言呼籲大家颱風下要「Stay safe」。「教主」Anson Lo則貼出實時極大頭照片，大頭得看不見頭頂、看不見下巴，只勉強看得到五官，因此有「神徒」留言說好想看「教主」的全身照，不想只看局部很不夠喉；

Ian

至於Stanley上載的相片，背景類似化妝間，而他亦已換上工作服自拍，更順便把Jeremy也攝入鏡中，並刻意以「HI PIG」字眼指向Jeremy，可見二人關係相當親密，而相片倒影中亦顯露另一對「登神」CP教主與Edan正頭貼頭密密斟。；另一邊廂，Jeremy則自拍大頭短片，並對著鏡頭眼眨眨很有電力，服裝方面不似隊友黑西裝為主，反而以白恤衫示人，驟眼看竟聯想到周星馳《喜劇之王》外賣仔一角的造型；Edan早前出post說：「颱風天，我就喺屋企瞓到隻豬咁，大家又做咗啲咩呢？ #一打風個人就變懶 #其實係本身懶」。可能因為先前得到充足休息，今日的他看來頗精靈，上載的限時動態短片頭擰擰，面色亦見紅潤！

Jeremy的造型又幾搞笑！

12子坦誠公開自己的戀愛狀況。

現正於美加進行《MIRROR FEEL THE PASSION CONCERT TOUR 2024》巡迴演唱會的MIRROR，繼早前接受FOX電視台訪問外，12子亦接受了CNN主播Julia Chatterley的訪問，而有關訪問於今日（4月18日）香港早上時間在CNN International頻道中播出。

MIRROR接受CNN訪問。

MIRROR在受訪時除了介紹自己的出身，以及曲風等團隊資料外，他們亦回答了連串音樂以外的問題，其中Julia問道：「我唔問Fans唔會原諒我，你哋邊個拍緊拖？」Ian即搶先回應：「我哋有一個就快結婚喇！」12子聽到都拍掌和應，就連Julia聽到都尖叫，然後眾人的目光都放在Stanley身上。Stanley也乖乖的甜笑回答：「我有一段穩定嘅關係，係我入行前已經喺埋一齊。」然後Edan又代Julia問邊個而家單身，除了他自己以外，Jer、AK、Ian、姜濤、Alton、Anson Lo及Jeremy都齊齊舉手，十分坦誠公開自己的戀愛狀況。

大爆戀愛狀況！

其實在巡演之前，MIRROR亦曾接受權威音樂雜誌《Rolling Stone》的訪問，Julia十分睇好MIRROR，所以她特別帶來雜誌讓眾人簽名，同時亦有問及大家能夠登上雜誌的感受，Stanley即表示：「太驚喜了，係好唔真實嘅一件事。」

MIRROR亦分享了工作以外的生活。

除此之外，Julia亦有問到團員之間可有拗撬，Edan就回應道：「講真我哋冇乜拗撬，但有時我哋會有唔同嘅意見，例如嚟緊我哋會出乜嘢歌，跳舞想跳邊種Style，係討論嘅情況比較多。」而Tiger亦表示，他與Jeremy是隊友之間的橋樑，如果真有拗撬，就會充當和事佬，Jeremy亦指二人有時都會採取沉默的方式，以免火上加油。其實MIRROR 12子都有自己一個WhatsApp Group，當被問及誰最少在Group內回應，Stanley即大爆：「Jer！佢成日都唔覆Message。」就連Jer自己都承認，說：「我係會失蹤㗎！」談過戀愛狀況、溝通方式後，MIRROR眾人亦分享了工作以外的生活，其中AK表示：「唔使開工我會全日同隻狗猜柴一齊，玩足一日。」Edan分享道：「我哋有啲亦會打籃球、打機。」Alton亦說：「我會揸車，因為咁樣可以有一個好個人嘅空間。」

姜濤與Anson Lo期望跟Taylor Swift合作。

在推出過〈Rumours〉及最新派台〈Day 0〉兩首單曲後，MIRROR在海外有更多人認識，被問到想跟美國或英國哪位歌手合作，AK即自爆很愛Usher，而且更即場示愛，道：「Usher，希望可以同我哋合作啦！多謝你。」Stanley則揀Bruno Mars，他說：「佢唔單只唱得好，跳舞亦十分出色。」不少隊員如姜濤及Anson Lo都揀Taylor Swift，而Tiger則鍾情Band Sound，並說：「我想同Band合作，例如Bon Jovi，可以同一啲類似嘅Rock Band合作就好了。」