關禮傑每日早起兩小時拉筋 備戰《我家》連串動作場面

有網民認為傑哥演技一直被「睇低」！

王心慰（Amy姐）監製的無綫八點半檔劇集《我家無難事》，雲集一眾好戲之人包括鮑起靜（鮑姐）、馬德鐘、唐詩詠、楊明、車婉婉、王君馨、關禮傑、楊卓娜及胡㻗等領銜主演。

關禮傑投入百分百誠意為《我家》最後五集進行拍攝。

唔單止動作場面應付自如，每個眼神亦都好有戲。

到底忠石點樣化險為夷呢？

明晚(15日)大結局的《我家無難事》，最後一周劇情峰迴路轉，昨晚(13日)劇情講到郭忠石（關禮傑飾）與郭得勤（馬德鐘飾）、郭得寶（車婉婉飾）及郭得明反目，並疑似與豬皮聯手進行毒品交易；根據昨晚播放預告，忠石將身陷槍戰，其「正邪」身份依然是個謎。不過「心水清」網民認為忠石沒有變奸，只是為了報仇化身「無間道」；而據知忠石確實未有黑化，背後更隱藏著極大苦衷。

監製Amy姐表示，關禮傑結局周的演出，近乎每場戲都有大量「考驗」，對體力來說是很大消耗。

不過努力備戰的關禮傑，卻每個場口都演繹得好好。

簡單一場火鍋戲，已有多次內心變化，讓人看得入神。

有網民更認為佢演技一直被「睇低」。

求證監製Amy姐，她笑言：「忠石係好人嚟，但我唔講咁多，我自己覺得大結局好多感人位。」Amy姐又大讚關禮傑愈拍愈弗：「之前同佢合作已覺得佢好弗，今次再合作亦見佢愈拍愈弗。其實最後十日我會用好『甘』形容佢，除咗好多動作場面，情緒變化亦相當多，有憤怒、壓抑、悲傷、絶望同感動，全部都係好消耗體力嘅場口，但佢都應付得好好，我好佩服。」

楊明角色喺最後兩集身陷險境。

好危險呀！

得勤、得寶、景軒

由於忠石角色有情有義、有血有肉，加上關禮傑演繹出色，備受網民喜愛，並為關禮傑演技一直被「睇低」感不值。關禮傑受訪時，直認十分喜歡忠石這個角色，並誠意對待拍攝：「最後結局篇嘅拍攝我係最畀心機，因為要好多精神同體力。」他又謂為了應付連場打戲，下了不少功夫：「喺每個通告之前，我會早啲起身拉筋；譬如朝早六點通告，我會四點起身拉筋，做好熱身；而喺返公司期間，我會做開聲訓練，等拍劇時講對白好啲。」

江嘉敏雖然只係客串演出，但每個鏡頭都好有發揮。

甄詠珊憑「高小姐」一角入屋，加上在《我家》演繹角色有情有義，網民讚不絕口。

張名雅獲網民力讚港姐冠軍銜頭實至名歸。

結局周另一亮點，是客串演出的江嘉敏、甄詠珊以及張名雅。經常客串無綫劇集演出的張名雅，獲網民大讚靚女，並謂其港姐冠軍名銜實至名歸；至於甄詠珊由於在《愛‧回家之開心速遞》飾演高小姐，加上其所演繹的「阿鳳」有情有義程度不下於忠心，故一出場即吸引網民熱議，網民直指甄詠珊樣子娟好兼有演技，力推其上位女二。

尋晚劇情講述得勤等人化解了「抄襲風波」危機。

大結局劇照

關楓馨：「拖都冇得拍仲可以同邊個結婚呀？」

關禮傑囡囡關楓馨（Fabienne）前年認戀「紋身男」Tommy（劉興健），但因男方多段戀情時間線存疑，被網友封「世紀壞男」，不過關楓馨未有此而分手，仍繼續與Tommy拍拖。上月底關楓馨突然在IG分享一輯婚照，一度引來大批圈內人送上祝福，網民都以為出道僅兩年多的關楓馨要結婚，擔心她就此就息影。

關禮傑囡囡「婚訊」變「分訊」。

關楓馨於IG無預警貼出婚紗照，獲大批圈內外人送上祝福！ 

惹結婚疑雲。

關楓馨昨日（4月2日）終於在IG回應，還暗認已跟Tommy分手。她留言表示：「我知道大家最近喜事連連，但係唔好再嚇親我daddy mummy啦！佢哋心諗……拖都冇得拍仲可以同邊個結婚呀？恭喜我有一個咁好嘅團隊，同我影咗輯咁靚嘅相就真，靚相陸續有嚟。」

關楓馨昨日（4月2日）在IG澄清結婚傳聞 ，同時暗指自己已回復單身。

關楓馨（Fabienne）前年認愛「紋身男」Tommy（劉興健）。

Tommy曾被爆出軌前女友閨密，亦被指投資開設一間排舞室，但生意帳目混亂，還不斷向人借錢，而被封「世紀賤男」。