囡囡1歲生日再遇颱風 吳雲甫：佢真係暴風女神

Sinead生日快樂！

昨日（13日）前港男吳雲甫囡囡Sinead的一歳生日，事有湊巧，Sinead在出世當日，撞正颱風襲港並掛了8號風球，想不到一年後的今天，又遇上同樣事件，難怪吳雲甫在IG貼了慶祝的相並說：「舊年呢個時候颱風『浪卡』襲港， 我個女係橫風橫雨之下出世，今年同樣時候先來個『獅子山』再加多隻『圓規』慶祝肥匿 1 歲生日！」

Sinead叫大家在打風的日子出入要小心啲。

太太林瑋如（Jackie）亦笑稱囡囡是風暴女神：「上年出世果（嗰）晚打晒雙颱風咁，今年又係呢個時候打風，仲要一波接一波。」

Sinead真是暴風女神。

後來Jackie再貼了一張陀B的相片，分享做了媽媽的感受：「一年過去，今年今日竟然又係打風，突然好多回憶返晒嚟。上年呢個時候，係我第一日照顧呢隻小魔怪，未上奶傷口又痛，仲要抱住呢隻食極都唔飽嘅bb，真係好徬徨。喺醫院嘅日子真係好難忘，個個都話媽媽好偉大，到今日，我都無咁諗過，話自己好偉大。我只係做咗自己要做嘅事，反而係媽媽們真係好堅強，好多嘢真係硬住頭皮忍過去頂住做，做下做下，就做咗一年啦！」

Jackie再貼了一張陀B的相片，分享做媽媽的感受。

食得好開心。

Sinead在出世當日，撞正颱風襲港並掛了8號風球。

昨日是吳雲甫囡囡的1歲生日。

呢個廣告終於換人。

相信有看YouTube的朋友必定看過人生教練Brain Cha的廣告，對他沉實的聲線及對白可謂非常熟悉，他洗腦式的廣告深入民心，叫人一見到即刻想㩒走，可算是YouTube中最煩膠的廣告。近日，有網民發現，同樣的對白和內容，但主角卻換了人，由一位爆肌香港先生取替。

唔少人都被Brain Cha洗腦式的廣告轟炸過

唔少網民好奇換咗新面孔

但廣告套路完全相同

新廣告主角為擁44吋胸肌型男吳雲甫（Owen Ng），於2009年參加香港先生選舉，2018年加入亞洲電視數碼媒體擔任主持，Owen於昨日亦有出PO，寫道：「好多人覺得 Brian Cha嘅廣告好煩，所以我提供一個解決方案比大家：我幫佢拍廣告，賺佢一舊錢，將呢舊錢喺YouTube度買premier (Premium)，咁我就唔使睇到任何廣告。而冇買premier (Premium)嘅朋友都唔會睇到 Brian Cha，但係就會睇到我, 感覺會唔會好少少？」

吳雲甫於IG公開代言身份

Owen 於2009年參加香港先生選舉，一身肌肉

2018年加入亞洲電視數碼媒體擔任主持

網友紛紛留言，指「你賺到佢錢，你先係最勁果個」、「你就叻啦，Brian竟然俾錢你賺」。不過唔知係咪抽水抽到過咗火，得罪客戶Brain Cha，今日Owen改了原PO，並寫﹕「 好多人話成日睇Youtube 都見到 Brian Cha， 咁所以不如都見我多啲, 反正最近我少左拍 Youtube 片」。