王梓軒望C君撐出第二輯 《演鬥聽》捧人構思來自曾志偉

雖然節目一直被視為走偏鋒，但口碑唔錯！

TVB節目《演鬥聽》將於11月13日播出最後一集，而當晚播映時間會提早至晚上10時，更請到20位音樂人及歌手如王菀之、吳業坤、趙慧珊、施匡翹等撐場。雖然節目一直被視為走偏鋒，但口碑唔錯，更被形容係有質素嘅節目，第一季完結，王梓軒坦言好不捨，期待將來再玩過。

王梓軒跟《演鬥聽》團員合力製作高質素節目。

身兼節目主持人兼音樂總監嘅王梓軒提到節目的由來，因為幾年前喺演藝人協會同曾志偉傾開，大家都想搞個帶有刺激性嘅音樂節目，畀一班有才華嘅音樂人喺冇壓力下發揮才華。

其中一集坤哥同姜麗文對戰，坤哥創作《食燒賣》形容家燕姐。

好恨將節目變成一個Show

(左起)鄭嘉嘉、王梓軒及二胡手Lydia都好有音樂才華。

為咗向曾志偉交代，王梓軒瞓晒身，每次花十幾小時錄影一集，仲會度埋節目內容。他笑說：「藝人面對輿論及花邊新聞，最慘係冇渠道解釋，透過音樂及唱歌，大家會聽得入耳，識聽嘅亦會搵到答案，所以我哋會喺嘉賓身上加入返啲好玩嘅素材，好似鄭俊弘講返創作《火車未到站》係因為忘記拉拉鏈；《刀削面》胡鴻鈞又畀鄭嘉嘉追問有冇整過容。」問到可有想過開第二輯或將節目變成一個show？梓軒恨到出口說：「我哋成班都係玩開演唱會嘅梗係恨開Show啦！而農夫嘅C君(鄭詩君)好鍾意個節目，成日話撐但又冇時間上嚟做嘉賓，𠵱家佢『升呢』J2台創意總監，我就靠呢位高層撐我開新一輯節目啦！」

王君馨性感演出，節目中又唱又跳。

王梓軒跟監製張志明(左1)合力搞好《演鬥聽》，節目贏得好口碑。

王梓軒喺錄影節目期間獲鄭嘉嘉送上精心設計嘅蛋糕賀壽

C君做咗無綫J2台創意總監，梓軒想他出手協助做第二輯《演鬥聽》。

王梓軒按曾志偉意思製作《演鬥聽》，他最想C君協助搞第二輯。

劉松仁獲頒「利瑪竇精神獎」，以答謝他對台前幕後的教導與無私奉獻的精神。

劉松仁擔任藝術總監、黃俊達執導、王梓軒及陳潔儀主演的音樂劇《利瑪竇》相隔四載，將於4月20至28日假香港文化中心大劇院三度重演！日前劇目主創人員劉松仁、黃俊達及王梓軒假尖沙嘴香港Mondrian酒店舉行盛大記者招待會，預演《利瑪竇》主題曲《The Journey》，讓到場人士先睹為快，率先感受劇中震撼人心的樂章。

相隔四載，《利瑪竇》將於4月20至28日假香港文化中心大劇院三度重演！

《利瑪竇》主創人員劉松仁（中）、黃俊達（右）及王梓軒（左）舉行盛大記者招待會。

三位主創人員於台上介紹於《利瑪竇》音樂劇中擔綱的部份，並邀請全力支持的和富慈善基金主席李宗德博士致辭，李博士大讚《利瑪竇》是很有意思的音樂劇，期望透過該劇為更多人帶來啟發與靈感，又謂很感恩透過是次贊助《利瑪竇》認識一班好朋友。接着，王梓軒率領劇中演員演唱《The Journey》，當中王梓軒更以意大利文獻唱，激盪人心的旋律，彰顯劇中利瑪竇神父飄洋過海，以堅定的信念前往東方傳道的歷程，讓人們明瞭生命就如一場遠征的美好旅途。

三位主創人員介紹於《利瑪竇》音樂劇中擔綱的部份。

王梓軒分享近日綵排的過程，透露擔任女主角的新加坡國寶級天后陳潔儀現已加入團隊，一同進行密集式排練，他笑謂：「阿達同我講，叫我唔好當係一個劇，係一個儀式，一個紀念利瑪竇精神嘅儀式。松哥由10年同我講呢件事，佢係影視嘅大明星，但係舞台佢少接觸，然後拉埋我哋咁多人，我仲記得第一日排得7個人，我係其中一個。」劉松仁表示：「佢哋係主角，繼承我哋，我好希望更多人可以同我哋走呢條路，將我哋嘅精神傳揚開去。」

王梓軒透露擔任女主角的陳潔儀已加入團隊，一同進行密集式排練。

王梓軒表示是次《利瑪竇》的演出規模比前兩次更大，台上表演者多達200位，包括管弦樂團，合唱團和香港一眾頂尖舞台劇演員，無論視覺還是聽覺效果亦有所提升，是他非常期待的一次公演：「就算同一個劇本，唔知點解都好似唔同咗，好似又明咗啲嘢，多謝松哥又教我哋嘢。」黃俊達指劉松仁經常教導台前幕後：「松哥成日話唔知可以留低幾多嘢畀我哋，其實佢教咗我哋好多嘢。」

王梓軒指今次《利瑪竇》的演出規模比前兩次更大，台上表演者多達200位。

劉松仁接着說：「人生上嘅嘢，面對困難嗰陣要擔面對，唔好企喺度，繼續行、繼續推動，上天會帶領我哋。藝術總監係符碌嘅，其實我覺得自己係打雜，咩都要做。」他表示希望《利瑪竇》可以輕量版出現，免卻經濟上的負擔，王梓軒指現時正構思更多不同的可能性，讓《利瑪竇》成為一個具延伸性的企劃：「我記得首演嗰時，松哥仲話係業餘咁做，點知12場文化中心爆晒，咁都算業餘，咁我以前做嗰啲係咩呀？」

劉松仁笑指覺得自己是打雜，咩都要做。

音樂劇《利瑪竇》能成功於舞台上呈現，當中全賴兩位靈魂人物神父恩保德（Giampietro）及劉松仁，花費五年時間創作及籌備。適逢公演在即，台前幕後特意於緊密排練期間，抽空舉行這場別具意義的記者招待會，於台上分享與劉松仁於音樂劇創作至今的難忘旅程，其中，劉松仁每次綵排看到鞋架擺滿鞋便開心，更可愛地為鞋架拍照留念。團隊於是向他送上整個劇團特別製作、由李宗德博士頒發的「利瑪竇精神獎」，答謝他對台前幕後的教導與無私奉獻的精神。

和富慈善基金主席李宗德博士（左）向劉松仁頒發「利瑪竇精神獎」。

王梓軒、劉松仁

王梓軒、劉松仁

最後，大會邀請李宗德博士、是次記者招待會的場地贊助香港Mondrian酒店總經理Mr. Dick Dalichau及音樂劇三位主創人員：劉松仁、黃俊達、王梓軒及劇組一同到台上大合照。

音樂劇《利瑪竇》三度公演詳情：

演出日期：2024年4月20日、23日-27日晚間場次：1930；2024年4月21日、28日午間場次：1430

地點：香港文化中心大劇院

票價：$680、$520、$350、$180

歡迎到cityline購票通訂購門票。