就陳同佳已離開安全屋,有網台播出潘曉穎母親的錄音回應,潘媽媽質疑,「深山有個殺人犯會否危害香港人安全?」,又指殺人犯可以自由出入是危害社會安寧。潘媽媽透露,下星期將會開記者會,希望陳同佳到場直接對話。

資料圖片

資料圖片

潘媽媽稱,希望能當面向陳同佳詢問一些事情:「陳同佳話當時阿女講咗啲嘢刺激佢,然後就殺咗佢。但係而家我成日都喺傳媒講佢,我真係好驚俾佢殺咗我。我諗我真係要要求警方保護我先得架。但係我驚都無辦法,我都要約陳同佳出嚟直接對話,有啲嘢我想直接問清楚佢,得個明白。」

資料圖片

資料圖片

她稱:「下星期,喺政府總部門口開記招,到時會同傳媒發放消息。希望佢到時一定要出席。」

潘媽媽又在錄音中質疑陳同佳「獲得自由」,指對方是殺人犯,如警方視若無睹會令她很難過:「最重要係特區政府完全無對我地受害者家屬交代過,點解要將一個殺人犯靜雞雞放生喺香港呢一度,而家一個殺人犯殺咗人,仲可以自由自在喺香港出入自如,自由上網,簡直係非常之嚴重危害社會嘅安寧。但係警方可以完全視若無睹,真係令我哋好無奈同埋好難過。」

資料圖片

資料圖片

陳同佳案在台灣發生,由於港台兩地沒有引渡條例,港府建議修改《逃犯條例》引起嚴重社會反彈,最終港府擱置修例。

潘曉穎母親表示下周會開記者會,望陳同佳出席。資料圖片

潘曉穎母親表示下周會開記者會,望陳同佳出席。資料圖片