珍惜眼前人。
關心妍（Jade）早前為好友陳敏之的YouTube Channel節目擔任嘉賓，Jade在2016年為丈夫楊長智誕下女兒心心，一度淡出幕前專心照顧囡囡，因明年是出道20年的關係，於是Jade決定復出兼推出新歌。
觀看相關影片按連結：https://youtu.be/O0mRKtF58v8
在訪問上提到新歌《原諒的力量》將會推出，Jade坦言這首歌是寫給爸爸：「最初同Wyman構思嘅時候，係講我點樣去饒恕我爸爸。嗰陣我諗番爸爸喺我好細個嗰陣同媽咪離婚，就走咗，我媽咪要一個人養兩個人，之後我哋要好獨立，10歲左右就要喺加拿大自己照顧自己，可以話冇愛又冇家，我會諗點解佢會唔要我哋呢？慢慢就會覺得既然你唔理我，咁我都唔會理佢。」
Jade從小到大與媽媽相依為命。
Jade憶述與爸爸和好的經過。
直到Jade結婚前夕，因為哥哥的關係而見過一次爸爸：「嗰陣我見到佢，好似陌生人一樣，我哋20幾年冇見，印象呢個係爸爸，但係到佢喺你前面就真係好驚，唔知講乜好，係最熟悉的陌生人。」幸好當時有老公在身邊，所以嘗試慢慢去接近爸爸：「嗰陣我哋諗住每一年都逐步見面，估唔到隔咗年零，佢突然間中風，4日就變咗做植物人，本來仲諗會點樣照顧佢，但係第二日就走咗。我估唔到連say goodbye嘅機會都冇。」幸好在爸爸昏迷期間，她與哥哥都表示已經原諒他：「我覺得佢係知道，係走得安心。」
Jade感激老公在身邊支持。
幸好最終與爸爸和好，令人生不會有遺憾。
