不少國家都要求移民申請者遞交身體報告。有從事醫療行業的網民指，某日有一家五口前來查問簽證身體檢查費用，期間因不滿價格高昂而大鬧醫療中心，連其他客人都「睇唔過眼」開聲反駁！
設計圖片
有網民向社交媒體Facebook專頁「生仔要考牌系列」投稿，指自己從事醫療行業，公司其中一項服務為簽證體檢，因此近年的預約長期爆滿。日前有一家五口在沒有預約的情況下前來問價，一行人連BB車霸佔了兩個櫃枱位置，太太更堅持「先生要一齊聽，唔會阻好耐」，怎料職員的惡夢便開始了。
設計圖片
該名太太一聽到簽證體檢的價錢後，便突然反應極大地表示「咁貴嘅！搶錢呀？」，更質疑醫療中心「呃人」，「我哋5個咪成萬蚊，租到個單位住囉！」、「我見出面嗰啲幾百蚊咋喎」。職員聽後只好連忙解釋，該處為官方授權的診所，價錢亦是公價，又希望她讓排在他們後面並有預約的客人上前，但對方竟指「咁我唔係客呀？！我又冇阻住佢哋」，堅拒讓位。
設計圖片
幸好此時一名高大的客人忍不住幫忙叫他們讓位，「話佢全家7個人加埋兩隻狗仲貴呀，想移民預咗要使錢，叫嗰位太太唔好嬲，嚇親BB」，才令該一家五口讓開。投稿者不禁感嘆，「對住咁嘅父母，我戥佢哋啲仔女可憐，基本禮貌都唔識！」
帖文引起網民熱議，有人表示「有一舊錢可以移民，唔係拎多一萬蚊出嚟都拎唔到呀」、「嫌貴就唔好生咁多，兩公婆移民平好多」、「冇錢就咪學人移民啦」，亦有網民建議中心職員直接跟太太表示「畀我就直接同佢講：咁你哋認為價錢唔岩，可以直接出面幾百蚊果種嘅」。
資料來源：「生仔要考牌系列」FB
醫療員工指曾遇一家五口因費用問題大吵大鬧。網圖（示意圖）
大埔林村河驚現「神秘圓圈群」，幾十個巨型圓形坑洞不規則排列在河底，網民解釋是「牠」搞鬼。
（FB圖片）
大埔林村河出現「神秘圓圈群」
有街坊於Facebook群組「大埔 TAI PO」發文兼上載照片，驚訝指於林村河中出現「神秘圓圈」，從照片可見，幾十個巨型圓形坑洞從河底延伸至河面，有些甚至伸出河面之上，它們大小不一，不規則的排列，至少延伸數十米長，部分圓圈內還有魚在游動。如此異象令樓主嘖嘖稱奇「林村河唔知發生咩事，好多個圈圈，水深嘅地方都見到，同埋上游好污糟，會唔會有外星人到訪此地」。
（FB圖片）
網民笑言：外星人來襲
帖文引熱議，有網民搞笑表示「我講你知其實係林村河嘅麥田圈圈」、「我果日踩單車經過，見到有幾個灰色既人仔，細細粒咁企左喺河到唔知搞乜，佢地望住我，我嚇到走左，原來真係外星人」、「係呀，外星人捉魚食」、「林村河生雞眼啊」、「超音鼠跌咗落水」、「有放過異形蛋呀」、「奇異博士泥左」。
（FB圖片）
街坊拆解真相：非洲鯽築巢
有知情的街坊則表示「年年都係咁㗎」、「吳郭魚/福壽魚(非洲鰂)魚巢」、「應該是非洲鰂築巢」、「鰂魚的巢來，在林村河下游潮退常見。而呢種鰂魚適應能力好強，所以你見到啲水污糟佢哋都係生存到，同外星人無關」。
非洲鯽魚又稱福壽魚，非香港本地物種
根據世界自然基金會的Facebook專頁，非洲鯽魚，俗稱福壽魚，為市場上常見的魚類品種之一。由於其適應力強，即使處於輕微至中度污染的水域中仍能生存，且其肉質鮮美，因此被廣泛飼養供人食用。雖然福壽魚非香港本地物種，但由於管理不善，有些人故意或無意間將其放入淡水或半鹹淡水中，導致其與當地原生魚爭奪食物。
(FB專頁「WWF Hong Kong」圖片）
被評為全球100種最具破壞性的「外星魚」之一
在其他地區，人們已經發現福壽魚是導致當地原生魚類數量減少的主要原因之一，進一步減少了棲息地的生物多樣性。它被評為全球100種最具破壞性的「外星魚」之一。因此，世界自然基金會早在《海鮮選擇指引》中將鯽魚列為紅色警告的「避免食用」類別。
帖文來源：Facebook群組「大埔 TAI PO」、Facebook專頁「WWF Hong Kong」
