香港區區各有特色，有網民日前發文列出青衣的6大缺點，包括沒有其他配套及「美食沙漠」等，惟遭不少區內居民留言反駁，力撐「住得好舒服」，形容該區有遠離鬧市的感覺。
資料圖片
有網民日前在「連登討論區」以「究竟買青衣樓嘅人係咩心態」為題發文，列出青衣6大缺點，包括「成個區發展成熟，冇乜升值潛力」、「空氣差」、「得青衣城同少部分公屋商場」、「冇其他配套」、「美食沙漠」，以及「山上又多公屋」。樓主又舉例葵涌至少有葵涌廣場，但青衣則死氣沉沉，直言「究竟仲買青衣樓嘅人係咩心態」，又指思考後只想出交通方便的優點。
資料圖片
惟帖文隨即引起青衣居民的反彈，列出青衣的優點反駁，指「青衣空氣好，自成一角，住得好舒服呀」、「住得幾寫意，有少少遠離鬧市嘅感覺」、「出市區又快，去葵芳荃灣買野又方便」、「雖然配套稱唔上幾好，但真係靜都寫意，亦都咩都唔缺」等。另有網民認為並非每個人亦喜歡居住在鬧市中，並指「住鬧市好辛苦，好似一落樓就要番工咁」、「如果樣樣要係正樓下或者行到去，咁個居住環境自然會差啲」等。
資料圖片
帖文來源：連登討論區
樓主批評青衣只有青衣城及少量公屋商場，配套設施乏善足陳。資料圖片
食客叫連鎖快餐店外賣驚見「超薄切豬扒」、「紙咁薄西多」，引網民嘲諷「燈影豬扒」、「西多紙」。
食客買外賣驚見「超薄切吉列豬扒」
有食客於Facebook群組「香港茶餐廳及美食關注組」發文，表示日前到某連鎖快餐店買外賣，當打開外賣後盒，驚見其中的吉列豬扒超級薄，更揶揄「薄切吉列豬扒，真係好功夫」。從照片中可見，這塊吉列豬扒真的非常薄身，外層的炸粉比肉更厚，十分誇張。
有食客光顧連鎖快餐店買外賣，驚見「超薄切吉列豬扒」。（FB圖片）
引網民揶揄「燈影豬扒」
照片一出，不少網民批評快餐店離譜「偷工減料好嚴重」、「加價好過降低食物品質，做臭自己個招牌」、「根本用肉片，佢都好意思俾人食」；網民更紛紛嘲諷「傳說中嘅燈影豬扒」、「豬肉乾厚過佢」、「係吉列火腿」、「炸紙皮箱」、「俾鍾意食脆漿嘅人食」、「要利潤厚啲都要練刀法㗎」、「以後可以話人情豬扒咁薄」、「吉列皮厚過肉！」、「爭少少薄過A4紙」。
有網民留言表示亦曾經中伏。（FB圖片）
又係連鎖快餐店出事，食客堂食「西多紙」
其後，又有另一食客於同一Facebook群組分享類似中伏經歷，表示日前到某連鎖快餐堂食，點了雞髀拼西多士，豈料西多士竟然薄如蟬翼，他立刻拿出身上的拉尺一度，件西多竟不足0.5厘米厚，從照片看，根本看不出來是一件西多，樓主苦笑言「好食，皮薄餡靚，大推」。
有另一食客遇上「西多紙」。（FB圖片）
網民笑「人情薄⋯西多仲薄」
帖文同樣引熱議，有網民搞笑表示「西多紙」、「而家牛角包都興壓扁黎食，可能佢跟潮流啫」、「師兄腐皮嚟㗎喎⋯」、「我以為係餐紙嚟」、「人情薄⋯西多仲薄」、「炸雲吞皮？」、「可能係春卷皮」、「又有納米吉列豬扒又有納米西多，香港真係飲食天堂」、「人情紙咁薄已經過時，而家興用吉豬或者西多」。
網民分享「超薄叉燒」。（FB圖片）
有人分享「超薄紅腸」。（FB圖片）
帖文來源：Facebook群組「香港茶餐廳及美食關注組」
