勁呀。
由方浤酌監製的無綫台慶劇《星空下的仁醫》,將於明晚(18日)9:30翡翠台首播。雲集無綫好戲之人的《仁醫》,演出陣容有鄭嘉穎、馬國明、鍾嘉欣、周家怡、羅子溢、龔慈恩、陳自瑤、海俊傑、郭少芸及曾航生等,以及上位花旦小生何依婷、張寶兒、郭子豪、羅毓儀、林正峰、林子超、孔德賢、黃碧蓮、曾展望等。
《星空下的仁醫》以三位技術高超的兒科醫生許甘楓(鄭嘉穎飾)、況叢昕(馬國明飾)、章以芯(鍾嘉欣飾)為主線,並加插感人且錯綜複雜的愛情線,包括外科主管麥海琪(周家怡飾)與叢昕的「波折戀」。劇集一開始即節奏緊湊,除了有大型交通意外場面,馬國明當街以震撼眼球手法搶救小童外,超像真手術場面亦是浪接浪。
而在首集,分別飾演年輕版甘楓、年輕版叢昕及年輕版以芯的孔德賢、曾展望及呂靜文已相當搶戲,尤其孔德賢炮轟曾展望場口,更真的有嘉穎影子。對此,監製Ben大讚三位演員有潛質,並謂嘉穎、馬國明及鍾嘉欣居功不少:「其實三位新演員都好勤力,佢哋有專登去睇馬明、嘉穎同嘉欣拍攝,希望自己演番對方年輕時更加神似;至於嘉欣佢哋亦同三位後輩有交流,仲同佢哋分享番自己嘅演法。」
Ben又大讚劇中一眾新一代演員:「何依婷、張寶兒、林子超、黃碧蓮雖然只係飾演實習醫生,但佢哋上堂『學醫』嘅時候同主角一樣咁認真,又畀好多時間做功課。佢哋各有特色,何依婷個角色會經歷一個醫生職業生涯入面好重大嘅轉折,佢亦處理得好有層次。張寶兒個角色就好複雜,無論背景抑或內心掙扎,佢全部處理得好好。然後正峰就演得好自然,畀人感覺真係好騰雞;而飾演進取型醫生嘅子超,除咗基本功紮實,面對前輩對手亦完全零怯場。碧蓮就有意想不到嘅驚喜,佢為咗改番好啲鬼妹仔口音,好努力不斷咁讀報紙。」Ben續指就連演戲經驗豐富的陳自瑤,亦是相當用心:「佢好勤力,佢演番龔姐年輕版,佢除咗去現場睇龔姐(龔慈恩)點演,仲去埋剪片房睇。」