*

upload_article_image

Executive日記——每日中午至夜晚七點 認識瀕臨絕種長臂猿 灣仔保育展有得睇

Kelly噚日行過灣仔,見到有一隻三米高嘅長臂猿,望真啲,係一個藝術裝置,原來係迎接嚟緊十月二十四日嘅國際長臂猿日。唔講唔知,原來香港支持海南長臂猿嘅保育,已經有成十八年咁長,仲協助海南長臂猿嘅數目增加咗一倍。
  世界各地都會喺十月二十四日舉辦活動,增加大眾對瀕臨絕種長臂猿嘅認識及關注。今年嘉道理農場暨植物園將會喺灣仔舉辦《離地森活》長臂猿保育展覽,畀公眾進一步認識數目愈嚟愈少嘅長臂猿。
  長臂猿棲息嘅森林由於城市、道路同農地發展嘅蠶食,大幅萎縮,令佢哋面臨滅絕嘅威脅!嘉道理農場即日起至周日,每日中午十二點至夜晚七點,喺灣仔利東街中庭舉辦《離地森活》長臂猿保育展覽,呼籲大家一齊參與保育行動。環境局局長黃錦星現身展覽上,佢話早喺二○○三年得知嘉道理農場參與海南長臂猿保育活動,海南長臂猿嘅數目增加一倍幾至現今三十五隻,希望市民睇到保育嘅前景咁話。
Kelly Chu