《施政報告》提出構建新田科技城，林鄭月娥指，落實新田科技城不需「十幾廿年」，又稱當中的落馬洲河套區港深創科園已開始施工，由二○一七年起解決土地業權問題，經歷環評、除污平整土地等，至開始建樓，只需四年時間，「呢個速度唔算慢喎。」她指，日後若沿用河套區發展方法，加上目前完善選舉制度下，到立法會取得撥款不如從前困難，相信只需做好土地規劃，便可開展新田科技城項目。惟她不願提出目標時間：「希望你哋明白呢個係一個願景式嘅發展策略。」
資料圖片
「喺度要還這個（落馬洲河套區）項目的公道。」林鄭月娥表示，外間常有指河套區「大大話話廿幾年」，她澄清該項目至二○一七年一月才與內地解決土地業權問題，該協議更是她作為時任政務司司長與深圳簽訂的最後一個協議，「回歸以來一直都解決唔到嘅土地業權問題，咁何來建設呢？我哋唔可以行入去起樓㗎。」
資料圖片
她續說，河套區由二○一七年至今，四年間可做好環評等程序，又有除污、保護生態工作，並已到立法會取得三百億撥款，「而家去開工起緊樓，呢個速度唔算慢喎！」她認為，目前在完善選舉制度及《香港國安法》下，新田科技城能按行政主導推動的成功成數很高，「只要我哋做完下一轉規劃，呢塊地係用做科技，咁我哋就可以用啦。如果要收地咪收啲地囉！」
資料圖片
林鄭月娥解釋，構建科技城的背後意思，是預期未來河套區港深創科園若有重要研發機構進駐，希望生產藥物或醫療儀器等，新田科技城便可作支援。至於目標何時做到，她則回應：「我希望你哋明白呢個係一個願景式嘅發展策略，唔係今日已經立咗項嘅。即係猛追問我幾多錢、邊日……我無辦法答。」
她又說看不到香港有人才流失情況，「而家啲人才係嚟緊。」當中，香港有許多生命科技相關人才，包括袁國勇教授、陳家亮教授、梁卓偉教授、葉玉如教授、任詠華教授等，「我哋係人才濟濟，以往苦無一個好積極有為嘅政策……唔夠基建。」不過她稱政府近幾年做了許多基建工作，「所以而家呢樣嘢解決咗呢，我覺得我哋絕大部分嘅科研人才都好願意留喺香港。」
構建北都
