唱通宵K更加是家常便飯！
剛推出新歌《I m Sorry》的許靖韻（Angela）日前到K場同fans唱新歌，雖然歌曲推出不久，但fans們都啷啷上口，她更大讚其中一位男fans唱得勁：「佢啱啱啲和音係啱晒㗎，好勁。」難得可以與偶像唱K，fans們當然相當興奮，Angela去到其中一間K房時，兩位fans十分雀躍，一邊合唱一邊自拍，在場工作人員見狀，便示意幫忙，怎料fans竟說：「你唔好阻住我啦！」Angela聽到後立刻爆笑，期間見到她們準備鎖匙扣、曲奇餅和玫瑰花等禮物，氹得Angela勁開心！
許靖韻為宣傳新歌到K場同Fans唱歌。
活動結束後，Angela表示勾起她不少唱K的回憶，原來Angela讀書時期試過為了唱K而欺騙媽媽：「嗰陣係瘋狂到係lunch hour都會去唱K，因為lunch K係可以連埋食嘢，我哋學生就會覺得好抵。以前試過summer time學校早放，我特登唔同媽咪講早放，就係為咗去唱K，唱到放學時間先至返屋企。」
即場為Fans簽名。
而唱通宵K更加是家常便飯，「夜晚七點開始唱，之後食K buffet，食完之後繼續唱，唱到第二朝。同埋因為有時好似係過咗十二點之後，如果冇人用房，我哋就可以繼續唱，嗰陣時成日都有呢啲唱通宵嘅情況。」
見到偶像勁緊張！
她又透露會經常一個人唱K：「錄音之前唔知去邊，於是去咗唱K，自己唱咗兩個鐘，當開聲。我會一次過諗好晒啲歌然後點！自己一個人有好多歌想唱㗎！通常都係快歌，會跳埋舞自high，都冇人睇到，冇閉路電視㗎嘛，仲爽喎，哈哈。」
許靖韻為宣傳新歌到K場同Fans唱歌。
許靖韻日前於廣州中山紀念堂展開巡迴音樂會，叫好叫座，全場爆滿，其全新廣東作品《望年月》亦於今日（4月18日）上架。
許靖韻（Angela）透露歌曲是於疫情時創作，「由伍卓賢作曲，周耀輝填詞。當時見到身邊好多朋友、或者朋友嘅朋友，都經歷緊一啲生離死別，所以就有咗《望年月》嘅歌詞、主題同諗法。」
Angela推出全新廣東作品《望年月》。
VIDEO
觀看相關影片按連結：https://youtu.be/aJtWZ1eTpus?si=ECQ-CPouDJDHa2bZ
新歌有別於Angela以往的的曲風，這次帶有小調的玩味，亦是Angela一直想嘗試的曲風。由於首次演繹小調，所以這次花了不少時間於錄音室中，Angela坦言感到困難，「首先我把聲連講嘢都係比較大聲，唱呢種曲風嘅歌係要有一種好想釋放，但係又要忍住嘅一種感覺，對於我嚟講係最難處理，所以錄音嘅過程我係好沮喪，因為覺得自己唱唔好。」後來多得合作無間的監製廖志華「導航」，「阿華好好，同佢識咗好多年，佢亦都係睇住我大，成個過程佢係好鼓勵我，冇俾到壓力我，令我成個錄音過程都可以好做到自己之餘又唱到首歌嘅感覺。」
Angela一直想嘗試小調的曲風。
不過Angela坦言這種曲風很困難，錄音的過程令她好沮喪。
除了首次演繹小調歌曲，Angela另一個獻出了另一個第一次，就是穿旗袍，「今次MV比較復古，同埋我每一個造型都會着旗袍，其實都係另外一種嘅『未試過』。」在造型上，Angela跟化型師、化妝師都經過很長時間的討論，拍MV的前一日，Angela仍然是橙金色的髮色，「然後一夜之間我哋用咗一個方法變咗而家大家見到比較深色嘅髮色，去配合返成個MV造型。同埋我哋由琴晚凌晨兩點開始到而家，已經拍咗over十二個鐘，所有工作人員及身邊團隊都非常之辛苦，所以大家真係要去睇MV呀。」
今次亦是Angela第一次穿旗袍。
為了配合造型，髮色亦由橙金色變成深色。
