*

upload_article_image

Executive日記——舉辦「一田和食の秋祭り」 八大美食專櫃 大埔一田超市全新面貌回歸

  一田超市(大埔)今年六月起裝修近四個月,喺上周三以全新面貌登場!以森系元素營造自然休閒氣氛,仲引進「八大美食專櫃」,將療瘉精緻嘅日系輕食注入生活。一田仲喺商場中庭舉行「一田和食の秋祭り」,獲日本國駐香港總領事館嘅「日本秋祭in香港」認證,為大家帶來必拍、必食以及必賞三大元素。
  一田超市(大埔)佔地兩萬五千三百四十方呎,新店斥資近四千一百萬優化。店舖完成裝潢後,加強新鮮食品組成,引入海鮮專櫃發售新鮮魚,同加強精品肉類選擇,帶來「八大美食專櫃」,以大阪發祥街頭小吃、新鮮即製和食便當、日本空運漁獲製作壽司刺身、吸睛手作甜點配合野餐打卡風潮。Kelly去過,真係好多靚貨同美食,樂而忘返。
百貨部整體營業額料升13%
  一田百貨行政總裁黃思麗(圓圖)話,期望裝潢後嘅一田大埔店無論貨品或購物體驗都可以帶畀顧客更多驚喜,預料一田超市(大埔)重開後可錄得按年百分之五至八營業額增長。佢仲話,第二期消費券發放後,市民消費意欲增加,同時受惠於銀聯及一田嬰兒用品展推廣帶動下,十月上旬扣除裝修及新店因素,百貨部整體營業額仍按年單上升百分之十三。
Kelly Chu

- 閱讀更多 -