Anson Lo熱潮殺入美加台灣 神徒紐約賣大電視廣告狂播新歌

勁呀！

MIRROR成員盧瀚霆（Anson Lo）上月推出跳唱歌曲《Megahit》，短短三星期MV在YouTube的點擊已逾470萬次，此外還打破港台抵制MIRROR的傳言；成功打入「中文歌曲龍虎榜」，甚至遠至加拿大中文電台的「至hit榜」第一位，可見「教主」的魔力有幾勁！

香港神徒把巴士改成「教主號」四出宣傳。

還有鬧市的巴士站。

「教主號」內當然少不少Anson Lo在MV中的造型。 

世界各地的「神徒」（Anson Lo粉絲匿稱）數目；以及他們對教主的支持和愛可謂有增無減，於全球各地為他應援，繼早前於香港站斥資6位數字把尖沙咀巴士站改造成MV中的油站，又租下巴士改裝成「教主號」；其車廂內更播出MV，於鬧市不停出沒為新歌造勢外，澳門、加拿大、日本、英國 ，美國、台灣等多個地區，也延續《Megahit》熱潮，不同國家及城市的神徒在重心地帶的户外大型LED屏幕，安排狂loop教主新歌，方便神徒一齊「打卡」及大唱「Uh-oh uh-oh uh-oh」。

美國站

加拿大站

台灣站

「神徒」出心出力支持偶像，教主亦相當識做，幾乎日日在社交網現身，而近月來他幾乎每個post 的靚仔相，也用到流鼻血的Filter，原來林二汶亦睇中教主這常用的Filter ，今日她於其IG限時動態用此Filter自拍再tag Anson Lo，她表示:「跟你建議，但係我整同你整嘅效果相當唔同。」Anson Lo 即轉發大讚：「效果超級好，陪我一齊玩鼻血Filter。 」

林二汶也潮玩教主常用的流鼻血filter。

Anson Loy近日熱愛的filter。

Anson Lo的神徒為他在各地進行應援，宣傳新歌。

MIRROR正忙於世界巡迴演唱會，但盧瀚霆Anson Lo仍抽空於出發前製作新歌《深閨》，並於早前完成英國站巡唱後，與團隊走到巴黎拍攝歌曲的MV，這正好配合這次甜到漏的歌詞。

《深閨》由徐浩作曲、監製，黃偉文填詞，是Anson Lo暫時最喜歡自己的一首慢歌。歌詞內容簡單直接地道出，當愛上一個人之後，可以為對方變成一個黐家的人，被對方獨佔，甚至放棄名利。Anson Lo坦言歌詞完全說中了他的心態，道：「歌詞其中一句：『拒絕再做凡間千人迷』，好Relate到自己，同埋佢令我思考到，如果有一日我真係拍拖，係咪要放下自己工作上嘅Anson Lo？係一首好Personal嘅慢歌，所以我喺錄音室唱嘅時候係有唱到喊。」

Anson Lo推出新歌《深閨》。

觀看相關影片按連結：https://youtu.be/70vVZqVsqeg?si=9RD6my9ItvtgApW3

Anson Lo又幻想，如果自己拍拖，都應該幾似Wyman所寫，會全神貫於對方身上，「因為我係巨蟹座，係一個Home Guy（住家男人），好鍾意留喺屋企，拍拖的話，放工都會即刻返屋企，然後喺屋企食飯睇戲，瞓覺攬埋一齊；假期都未必出街，兩口子一齊煮下嘢食飲杯咖啡，就已經好好。因為如果我鍾意一個人，都好想24小時黐住佢，做乜都OK。」對於Anson Lo來說，《深閨》所說的愛情觀與他本人很吻合，但他相信，歌詞同樣說中了大眾當情到濃時，對於愛情的執迷與痴迷，他相信大家聽到歌詞，一樣會身同感受。

Anson Lo自言是住家男人。

如果鍾意一個人會好想24小時黐住對方。

對於Anson Lo來說，《深閨》所說的愛情觀與他本人很吻合。

為了《深閨》，Anson Lo這次特別在巡唱出發前將歌曲錄好，然後趁完成英國站演出後，特地走到巴黎拍攝。揀選巴黎拍MV，全因這裡予人浪漫、Fashion又Cozy的感覺，而《深閨》裡的愛情同樣十分浪漫，又無拘無束，加上從倫敦到巴黎只需個多小時十分方便，所以絕對是不二之選，而整個拍攝過程中，Anson Lo最喜歡在巴黎鐵塔拍攝的場口，他說：「夜晚可以睇到巴黎鐵塔唔同嘅燈光閃法，好靚！同埋我哋拍攝嘅地方只係隔住一條河仔，可以好近咁望到巴黎鐵塔，又大好靚，又襯首歌，而家可以拍埋入《深閨》MV裡面，有剔咗Bucket List嘅感覺。」

Anson Lo揀選巴黎拍MV，全因這裡予人浪漫、Fashion又Cozy的感覺。

與《深閨》中的愛情同樣十分浪漫，又無拘無束。

被問到又要巡演又要拍MV，體力上可以應付得到，Anson Lo坦言：「每次都係同自己講，應付唔到都要應付，因為做完巡演，話唔攰都係講緊大話，但只要每次做嘅嘢，都係自己好期待嘅作品，攰就唔係咁大問題。」

雖然要巡演又要拍MV，會好，但Anson Lo坦言：「應付唔到都要應付。」

這次是Anson Lo首次踏足巴黎，所以除了拍MV以外，他亦有在當地遊覽，他分享道：「有周圍睇下名勝、景點，買咗少少嘢，又有探索下啲Café，坐低飲下嘢食下嘢，又或者喺條街行下。其實今次巡演又好，喺巴黎拍MV又好，最鍾意做嘅嘢唔係買嘢，而係喺條街度行，因為喺香港一落樓就上車去工作目的地，好少喺條街度行，我好想喺唔同國家嘅街上面行，感受下嗰個國家嘅Vibe係點樣，可以見到好多人唔同嘅面貌，做人處事方式，都會好好奇，齋行都好有趣好好玩。」

首次踏足巴黎的Anson Lo除了拍MV以外，亦有在當地遊覽。