職場如戰場？網民發帖，指送贈一名關係友好的同事電話外殼後，對方竟然即日就丟進垃圾桶內，還繼續笑臉迎人，令網民十分不解。
網民在「香港討論區」透露，同事為人好熱情，所以跟對方很多話題傾談，經常一齊食飯、放工，放假有時都會約出來聚會。
網民好意送同事手機外殼，結果對方即日就丟棄垃圾桶。《鬼同你OT》示意截圖
「咁我一直以為佢係真心同我做朋友，但我開始懷疑唔係」。網民得悉對方換了新手機，於是買了新的電話外殼給對方，對方收到時「仲好開心話佢好中意，係咁讚個電話殼好靚，我都真係以為佢真心中意.... 」
但網民放工時卻望到，「個電話殼喺佢枱底個垃圾桶到，我唔知佢點解要咁做，如果佢唔中意點解唔同我講，佢扔咗佢係咩意思？」
網民好意送同事手機外殼，結果對方即日就丟棄垃圾桶。《鬼同你OT》示意截圖
而網民翌日見到同事時，對方「仲扮無事咁同我講嘢，但我覺得佢表面好不一，把口話中意，但轉個頭就扔咗人哋送比佢嘅嘢....」
有網民就奉勸「唔好太認真對待，同公司始終有利益衝突」、「佢又衰啲，掉都返屋企先啦。樓主你好後生，啱啱出嚟做嘢？同同事保持適當距離，同上司保持最遠距離！！」、「有利益衝突，會俾佢出賣都唔定，樓主同佢保持點頭朋友就算。出來返工就要做雙面人，唔係自己蝕晒底」、「同事不是朋友, 你記住世上有兩樣嘢不可直視, 一係太陽, 二係人心」
unsplash示意圖片
不過也有人覺得，「唔係情侶，又唔係祈福，人哋送啲貼身嘢真係好噁心囉」
帖文轉載自「終於明白點解唔好同同事太熟......」
網民好意送同事手機外殼，結果對方即日就丟棄垃圾桶。《鬼同你OT》示意截圖
大埔林村河驚現「神秘圓圈群」，幾十個巨型圓形坑洞不規則排列在河底，網民解釋是「牠」搞鬼。
（FB圖片）
大埔林村河出現「神秘圓圈群」
有街坊於Facebook群組「大埔 TAI PO」發文兼上載照片，驚訝指於林村河中出現「神秘圓圈」，從照片可見，幾十個巨型圓形坑洞從河底延伸至河面，有些甚至伸出河面之上，它們大小不一，不規則的排列，至少延伸數十米長，部分圓圈內還有魚在游動。如此異象令樓主嘖嘖稱奇「林村河唔知發生咩事，好多個圈圈，水深嘅地方都見到，同埋上游好污糟，會唔會有外星人到訪此地」。
（FB圖片）
網民笑言：外星人來襲
帖文引熱議，有網民搞笑表示「我講你知其實係林村河嘅麥田圈圈」、「我果日踩單車經過，見到有幾個灰色既人仔，細細粒咁企左喺河到唔知搞乜，佢地望住我，我嚇到走左，原來真係外星人」、「係呀，外星人捉魚食」、「林村河生雞眼啊」、「超音鼠跌咗落水」、「有放過異形蛋呀」、「奇異博士泥左」。
（FB圖片）
街坊拆解真相：非洲鯽築巢
有知情的街坊則表示「年年都係咁㗎」、「吳郭魚/福壽魚(非洲鰂)魚巢」、「應該是非洲鰂築巢」、「鰂魚的巢來，在林村河下游潮退常見。而呢種鰂魚適應能力好強，所以你見到啲水污糟佢哋都係生存到，同外星人無關」。
非洲鯽魚又稱福壽魚，非香港本地物種
根據世界自然基金會的Facebook專頁，非洲鯽魚，俗稱福壽魚，為市場上常見的魚類品種之一。由於其適應力強，即使處於輕微至中度污染的水域中仍能生存，且其肉質鮮美，因此被廣泛飼養供人食用。雖然福壽魚非香港本地物種，但由於管理不善，有些人故意或無意間將其放入淡水或半鹹淡水中，導致其與當地原生魚爭奪食物。
(FB專頁「WWF Hong Kong」圖片）
被評為全球100種最具破壞性的「外星魚」之一
在其他地區，人們已經發現福壽魚是導致當地原生魚類數量減少的主要原因之一，進一步減少了棲息地的生物多樣性。它被評為全球100種最具破壞性的「外星魚」之一。因此，世界自然基金會早在《海鮮選擇指引》中將鯽魚列為紅色警告的「避免食用」類別。
帖文來源：Facebook群組「大埔 TAI PO」、Facebook專頁「WWF Hong Kong」
