霍啟剛大玩驚喜氹老婆 郭晶晶生日抱女揀首飾

識做。

2012年，被封為「最貼地富二代」的霍啟剛(Kenneth)娶咗「跳水皇后」郭晶晶，婚後晶晶誕下一仔兩女，一家五口好幸福。上周五係霍太40歲牛一，翌日霍生已經上載同老婆賀壽「食好西」嘅相到IG，因為兩人打扮樸素，又簡單食餐飯慶祝，冇炫富行為獲網民一致讚好。其實Kenneth同老婆慶生點只食餐飯咁簡單。上周四重陽節，本報就直擊霍啟剛抱埋4歲大女霍中妍去超市買白酒、芝士、Salami等及買首飾，明顯為翌日生日的老婆製造驚喜。

霍啟剛在老婆生日翌日帖文及相祝郭晶晶永遠18歲。

上周六，霍啟剛帶老婆去長洲。

仲食咗馳名大魚蛋慶生。

霍啟剛果然不負「最貼地富二代」稱號， 在IG貼同老婆食生日飯嘅相，對老婆講︰「不經不覺第18次給你過生日，祝你生日快樂、永遠18歲！」hashtag係簡單幸福、生日快樂、老夫少妻同霍太，其實Kenneth都只係42歲，擺明用老夫少妻嚟氹老婆笑。

有魚子醬試食，霍啟剛抱起囡囡一齊試。

買完畀錢，中妍仲幫手將食物放上收銀枱。

生日餐小食有莎樂美腸。 

大女好活潑

霍啟剛好錫老婆，亦願意花時間去氹老婆。上周四傍晚，霍啟剛同大女去咗中環太子大廈超市買嘢，因為公眾假期關係非常多人，但兩父女都冇唔耐煩，先去揀白酒然後芝士、Salami、果仁同薯片等，揀好就放落囡囡推緊嘅迷仔版手推車入面，着住橙色花裙仔嘅中妍好得意，推住車仔跟實爸爸行，仲幫手將食物放上收銀枱，半個鐘買完餐前小食同酒就離開。

又有薯片。

亦有芝士。

霍啟剛揀白酒，對德國白酒最有興趣。

齊試魚子醬

兩父女之後去咗睇翻糖蛋糕，由於無現貨拎完咭片就去睇魚子醬，因為有試食，霍啟剛即抱起囡囡一齊試。 之後兩人去咗睇精品，兜咗一陣就轉去名模蔣怡老公開設的珠寶首飾店。兩父女一齊揀禮物送畀郭晶晶，見中妍望住啲閃令令首飾入晒神，店員拎咗啲手鍊畀Kenneth睇，唔知最後買咗咩，但見Kenneth有簽單，相信郭晶晶收到老公同囡囡一齊揀嘅禮物必定好甜。

霍啟剛當日去超市買嘅係小食，正日生日餐就再食好啲。

霍氏夫婦與大仔霍中曦，長女霍中妍、孻女Laurina與已離世的祖母霍呂燕妮。

一齊揀蛋糕嘅父女以英語交談，可愛中妍見到蛋糕笑晒，之後佢仲幫爸爸眼揀首飾送畀媽媽。

行政長官李家超宣布，政府已購入今屆巴黎奧運及殘奧播映權，並與3間免費電視台及香港電台達成轉播協議。

港協暨奧委會認為，政府買入播映權可以讓電視台的安排更具彈性，突破時差限制，更便利市民收看賽事，為國家隊及港隊運動員打氣。港協將展開巴黎奧運相關推廣及宣傳活動，帶動體育氣氛，期望活動更添社會凝聚力。

身兼港協暨奧委會副會長的立法會體育演藝文化及出版界議員霍啟剛表示，一直支持政府購入巴黎奧運轉播權，樂見政府再度出手。他又認為轉播賽事能有效帶動媒體宣傳，是體育產業化的重要一環。

霍啟剛FB

霍啟剛又指出，運動員身在外地比賽，十分需要市民支持，上屆東京奧運期間因為多家電視台受惠於政府購買轉播權，製作不少節目內容，令運動員能夠感受到市民的關注及支持，今屆轉播新增了香港電台參與，當局又會透過社交媒體推動，相信各電視台及有關機構在內容製作上，將會更多元化、更全面。

霍啟剛建議當局日後及早與電視台就播映大型體育賽事商討以不同合作模式，期望減輕政府負擔，同時加入市場競爭，毋須每次要政府包底。