美食愛好者一定識「Omakase」呢個日本字,日文解「大廚發辦」,即係大廚決定食乜好嘢,一般喺高級日本食肆先供應,旅發局喺十一月舉行嘅年度盛事「香港美酒佳餚巡禮2021」搞搞新意思,將日本傳統「Omakase」嘅料理變奏,變成本地中菜「大師發辦」,一共有十八間高級食店嘅大廚參加。Kelly一向貪新鮮,對兩間冒起得好快嘅美食店—「紅綿」同「澐」嘅廚師發辦好有興趣。
  呢次美酒佳餚節玩「大師發辦」,由各大廚決定煮乜嘢美食,所謂不時不食,小妹諗起秋冬嘅當造食材,就流晒口水,好期待去試各大廚嘅手藝。
  今次首創嘅中菜「大師發辦」,包括五間米芝蓮食店、五間被形容為「師傅出馬」食店、三間「年輕新星」店同五間「匠心美饌」店(見表)。Kelly都食過唔少間,但對兩間特別有興趣,第一間喺「紅棉」,行政總廚邵德龍一身十八般廚藝,精燴中國各地菜,試過嘅人都話正斗。
  另一間,小妹食過一再回頭,就係「澐.NUVA」,行政總廚麥雄峰嘅手藝好精緻,傳統中求創新,食過真係翻尋味。
  咁喺美酒佳餚節,一於約朋友去回味,盡量食晒所有餐廳先。
Kelly Chu