第四場四班千二米。「種福者」繼上季取得三W後,今季復出再下一城,戰鬥力持續向上。睇番佢上仗除咗檔位不利之外,騎師發揮亦欠理想,不過最終都有獎金收,六歲馬表現保持穩定,相信會把握勇態繼續拼搏。今次所遇對手較上仗次一皮,而且檔位方面又內移,只要出閘後守到好位,末段有權一衝過晒,巴度騎慣騎熟,一定懂得發揮。同場我揀埋「開心好友」同「銘記知心」。
  第七場四班千二米。「友心友型」上仗只敗給大勇特勇的「種福者」而得亞軍,論本身走勢其實非常吸引,直路階段後勁如箭,證明狀態勇極,追趕不及只因早段留得太後。今次賽事又再試閘砥礪,外觀較上仗更加靚,潘頓肯再騎一次,並且抽到黃金一檔,我對人馬都信心十足,期待今仗能夠打開勝利之門。同場我要埋「桃花旺」同「當家信心」。
B女