許靖韻忙於內地工作 遺憾見唔到公公最後一面

慘。

許靖韻（Angela）新歌《I m Sorry》講一腳踏兩船，現實中她試過曖昧三角關係已覺很煩，出軌更加不懂應付，但也有人令她很想講對不起，就是早前離世的公公，因她在內地工作未能見公公最後一面。不過收到壞消息前，正是Angela難得跟天后大師姐容祖兒開心同台演出，令她度過心情如過山車的一晚。

Angela承認愛情世界唔係次次都做受害者，都有試過做加害者。

Angela認為以往唱的慘情歌多是失戀為主，想試一次做加害者，將hurt人故事放入這首歌，連MV都講一腳踏兩船，不過她坦言現實冇本事搞三角關係，「MV入面都冇揀到同邊個一齊，因現實中我如果遇到咁情況，都唔知點揀，我係好怕選擇，所以都係唔好搞咁多嘢，一直同一個就算，之前自己有試過咁樣覺得好煩，我講大話會穿，因為會心虛，我有經歷過類似首歌嗰種關係，先寫咗呢個方向出嚟。」

Angela早前試過連續9個月在內地工作，因疫情未能返港見公公。

提到現實中要跟人講「I m Sorry」，Angela沒有選擇舊情人，反而想跟8月時病逝而她未能見到最後一面的公公講，「當日送佢最後一程都有同佢講『I m Sorry』，我覺得好遺憾，我同佢關係係好親，佢係好錫我，有老人癡呆全部人都唔記得，都記得我。其實成個過程好突然，喺佢走之前一個星期媽咪講佢入咗醫院，以為佢會好番，過咗危險期安心啲，睇我社交網都會見到我post咗同祖兒表演，之後凌晨就收到消息，嗰吓我係冇喊，但係手震，好突然嘅傷心嗰吓真係喊唔出，真係要好好珍惜身邊人，因為唔會知幾時係最後一次見。」

Angela大讚MV其中一個男主角靚仔有型，可惜要全程戴頭盔。

公公離世當晚是Angela近期最傷心亦是最開心一晚，因首度跟大師姐容祖兒同台勁歌熱舞，而且獲對方特別照顧令她好感動，「之前比賽我已經係跳舞跳得最唔好嗰個，所以特別緊張，但祖兒超好，有個動作要dancer升我哋起身，祖兒陪我試咗好多次，一路陪我練跳舞，我真係唔好意思，好彩嗰晚好順利，所以好開心。」

Angela在《I'm Sorry》MV中，着上性感大露背裝。

收到公公離世消息前，Angela跟容祖兒同台演出。

在內地經常搬酒店太煩，Angela決定在北京租屋住。

Angela跟公公感情要好，兩人最後一次見是她5月生日。

許靖韻日前於廣州中山紀念堂展開巡迴音樂會，叫好叫座，全場爆滿，其全新廣東作品《望年月》亦於今日（4月18日）上架。

許靖韻（Angela）透露歌曲是於疫情時創作，「由伍卓賢作曲，周耀輝填詞。當時見到身邊好多朋友、或者朋友嘅朋友，都經歷緊一啲生離死別，所以就有咗《望年月》嘅歌詞、主題同諗法。」

Angela推出全新廣東作品《望年月》。

觀看相關影片按連結：https://youtu.be/aJtWZ1eTpus?si=ECQ-CPouDJDHa2bZ

新歌有別於Angela以往的的曲風，這次帶有小調的玩味，亦是Angela一直想嘗試的曲風。由於首次演繹小調，所以這次花了不少時間於錄音室中，Angela坦言感到困難，「首先我把聲連講嘢都係比較大聲，唱呢種曲風嘅歌係要有一種好想釋放，但係又要忍住嘅一種感覺，對於我嚟講係最難處理，所以錄音嘅過程我係好沮喪，因為覺得自己唱唔好。」後來多得合作無間的監製廖志華「導航」，「阿華好好，同佢識咗好多年，佢亦都係睇住我大，成個過程佢係好鼓勵我，冇俾到壓力我，令我成個錄音過程都可以好做到自己之餘又唱到首歌嘅感覺。」

Angela一直想嘗試小調的曲風。

不過Angela坦言這種曲風很困難，錄音的過程令她好沮喪。

除了首次演繹小調歌曲，Angela另一個獻出了另一個第一次，就是穿旗袍，「今次MV比較復古，同埋我每一個造型都會着旗袍，其實都係另外一種嘅『未試過』。」在造型上，Angela跟化型師、化妝師都經過很長時間的討論，拍MV的前一日，Angela仍然是橙金色的髮色，「然後一夜之間我哋用咗一個方法變咗而家大家見到比較深色嘅髮色，去配合返成個MV造型。同埋我哋由琴晚凌晨兩點開始到而家，已經拍咗over十二個鐘，所有工作人員及身邊團隊都非常之辛苦，所以大家真係要去睇MV呀。」

今次亦是Angela第一次穿旗袍。

為了配合造型，髮色亦由橙金色變成深色。