萬聖節快到,Kelly同朋友準備開嘩鬼派對,大家仲話要去買張六合彩試吓自己嘅運氣。馬會話,萬聖節金多寶今晚開售,下周二攪珠,若頭獎一注獨中,獨得八千萬元。
  馬會朋友話,六合彩萬聖節金多寶攪珠將於下周二舉行,金多寶多達六千萬元,料頭獎基金高達八千萬元,大家可以喺下周二晚上九時十五分前購買彩票,而原定本周六嘅攪珠將唔會舉行。
  咁揀乜冧巴好?馬會話,萬聖節金多寶嘅「幸運號碼」,歷來七次萬聖節攪珠中,「二十二」號被攪出四次,係各號碼中最多,而「十七」及「二十九」號分別被攪出過三次。如果大家有八個心水號碼,就可購買八個號碼複式獎券,包含共二十八個投注組合,如其中六個所選號碼被攪出,除可獲得一個頭獎,亦可領取十二個三獎及十五個五獎。
Kelly Chu