*

upload_article_image

Executive日記——旺角站打到彩虹站 港鐵騎呢客 車廂大打四方城

  好多朋友鍾意打牌,近日網傳有人喺港鐵列車上「開枱」,將車廂當作竹館,一路由旺角站打到彩虹站,有人問:「幾時可以碰?」「呢個可以上喎!」吸引唔少乘客圍觀(上圖)。不少網民話行為誇張,取笑問「可以打到幾多圈」。亦有網民認為片中人為求呃like,「做埋啲冇意義嘅嘢」。
  影片中,四位男乘客喺港鐵車廂中「開枱」打牌,各人好投入,旁若無人,其中一人不時大聲問:「幾時可以碰?」「呢個可以上喎!」。只見車廂中間放置咗一張麻雀枱,兩邊座位皆冇人坐,四子聚精會神地打牌,當中有人踎地下,有同行者幫四子拍片。
  港鐵指,留意到有關影片後即時展開調查,相信事件發生於十月十三日傍晚,當時五名男乘客於觀塘線旺角站登上一列往調景嶺方向列車,喺車廂內打開一張摺枱及打麻將,其後喺彩虹站下車。
港鐵附例:不得滋擾其他乘客
  港鐵補充,暫時未接獲相關投訴,指有關行為是否觸犯港鐵附例,不能一概而論,視乎實際情況。不過,港鐵附例第二十五條或可作為參考,該條例列明乘客不得作出對其他乘客造成滋擾的行為;違例人士最高可被罰款五千元。
  港鐵強調,希望藉此機會呼籲乘客為己為人,保持車廂通道暢通,同時保持舒適的乘車環境,不應作出任何有可能滋擾其他乘客的行為,若有乘客遇到類似情況或覺得被滋擾,可聯絡車站職員以便作適切跟進。
  該短片瘋傳後,引來網民熱烈討論。有人笑言當日是玩行為藝術。Kelly就好欣賞,可以打到夜啲,到站到返屋企,超方便。
Kelly Chu

- 閱讀更多 -