*

upload_article_image

Executive日記——「齊步上怡廈」籌278萬 跑手共踏5000萬步

  疫情令唔少活動都要花心思,改變模式以適應新常態。Kelly知道慈善活動「齊步上怡廈」,今年便以新形式進行,齊行踏步機計算步數,代替一眾參賽者跑樓梯,近二千名跑手共累積超過五千萬步,等同於攀登咗逾五萬三千棟怡和大廈!
  大會共邀得四十七間企業、十七間社福機構及三間學校參與,喺疫情下身體力行,保持強健體魄,達至身心健康。競賽喺八月下旬至十月上旬舉行,大會喺各參與公司嘅辦公室,設置咗活動「加油站」,附設踏步機計算步數,配以平板電腦向參加者發放精神健康資訊,將呢種新體驗帶到日常工作間,鼓勵關注精神健康。
  集合各方力量,約兩千名跑手共累積超過五千萬步,等同攀登逾五萬三千棟怡和大廈!活動仲籌得二百七十八萬元善款,撥畀慈善組織以提倡精神健康,並為復元人士提供支援。Kelly覺得呢種燃燒卡路里,又可做善事嘅新玩法值得推廣。
Kelly Chu

Executive日記——「齊步上怡廈」籌278萬  跑手共踏5000萬步