林雅詩（Grace）與布偉傑（一哥）今日到尖沙咀出席活動，早前透露有意到英國建立新事業的Grace，表示已準備2個月後成行，除了做海外升學中介人，更希望在當地成立一個香港人的人際網絡，她說：「早前暱埋咗一排，做圈外工作得到同事同身邊人支持，亦接觸到唔同人，感受到平凡人簡簡單單嘅生活，之前嘅生活太過複雜喇。」
林雅詩透露兩個月後將出發去英國展開新生活。
問會否期待在異地展開新戀情？Grace笑言好難，因婚姻與感情的經驗都不好。為了準備出發，Grace表示推了不少工作，包括香港、內地等，估計都有6位數（以十萬計），問為何不賺一筆再走？她笑言沒時間諗，將來有工作可會飛返香港？她笑稱到時再考慮。提到不少海外生活藝人開設頻道甚受歡迎，她說：「唔知會唔會試，但都有留意林子博等人嘅影片，已向唔少同行先打個招呼，希望喺當地成立『香港同學會』。」
林雅詩和布偉傑今日出席活動。
同場的一哥被問到可考慮過回老家？他表示已2年沒回到家鄉美國猶他州，他說：「依家嘅工作早於5年前已經計劃好，同時做幕前及兒童教育工作，雖然喺難關下進三步退兩步，但都堅持。」他指今年參與不少幕前工作，包括拍電影《金手指》與梁朝偉同場，其角色要威脅對方，但見偉仔眼神好可憐又不捨得，笑言是好難演；另外他也與七仙羽拍攝節目，他自爆：「被對方批工作唔上唔下，係因為缺乏陽氣陰太重，原因係太鹹濕。」問到可相信風水命理？他直言有少少受影響，因他也有陰陽眼。
布偉傑事業「唔上唔落」，被七師傅批太鹹濕。
七仙羽的新節目邀請好多發展「唔上唔落」的嘉賓。
農曆新年在即，香港人當然積極準備過年，不過喬寶寶與布偉傑這兩個「香港人」都唔執輸，趁寶寶返蘇格蘭過農曆前提早去參加香港許願節2024，到訪林村許願樹祈福、拍攝宣傳片。
日前喬寶寶與布偉傑為香港許願節2024拍攝宣傳片，除左介紹活動亮點之外，兩人仲大玩「食字GAG」，場面十分搞笑。去得林村當然要拋寶牒祈福，寶寶就話自己係拋寶碟嘅高手：「其實我以前成日去林村許願樹、其他寺廟參觀嘅，我唔係迷信，而係想了解文化，就要投入落去，所以我好早已經係高手，知道點發力先拋得高。今次拍片要講好多『廣東話』Gag，難唔到我地喇，我地係香港人嚟㗎！」
喬寶寶同布偉傑兩位「外國人」幫林村做宣傳
佢哋原來係拋寶碟高手！
而布偉傑亦大呻孤單過節：「以前我地幾個『鬼佬』過年都會約埋聚吓、見面，不過今年寶寶返左蘇格蘭同家人團聚，得翻我自己一個，如果新年冇工開就會好悶，所以今年準備會去許願節玩下，應吓節湊吓熱鬧、攞個好『意頭』！」二人落力為宣片短片「搞笑」，表現獲許願節召集人鄭倫光主席大讚：「佢地好專業，完全冇悶場！」
短片中仲大玩廣東話Gag。
二人獲許願節召集人鄭倫光主席大讚專業，完全冇悶場！
香港許願節2024活動
香港許願節2024將以「愛與希望」為主題，與麥當勞叔叔之家合作，致力將愛心和希望傳遞給更多有需要人士。除傳統許願節拋寶祈福，屆時將會有超過60檔新春市集、美食廣場，亦會有攤位遊戲嘉年華和音樂會，並增設夜光許願寶，除可用作拋寶牒，亦可作為珍藏祈福的特別物品。適逢情人節，許願節亦會有限定「告白氣球」活動。
香港許願節2024活動詳情
地點：大埔林村許願廣場
開放時間：
2月7日至9日 （年廿八至年三十）：17:30-21:30
2月10日至14日（年初一至年初五）：09:00-21:30
2月15日至24日（年初六至年初十五）：09:00-18:00
兩人拍攝宣傳片時大玩食字GAG！
寶寶話：「難唔到我地喇，我地係香港人嚟㗎！」
喬寶寶返蘇格蘭過農曆前，孖布偉傑提早去參加香港許願節2024。
