陳秀雯坦言演員和香薰治療師都是她喜歡的東西。
陳秀雯在2019年為ViuTV演出劇集《教束》後，有一段時間未有再露面，早前她應好友鄭丹端（阿旦）邀請為其YouTube頻道擔任嘉賓。兩人表示大家的相識經過甚有淵源，阿旦說：「嗰陣我係喺麗的電視做一個小編劇，係佢啱啱出道拍嗰套劇《驟雨中的陽光》嘅編劇。」
觀看相關影片按連結：https://youtu.be/bMC18aVUd6M
不過，陳秀雯笑言兩人的淵源是更加早，原來她未入娛樂圈前，鄭丹瑞的電台節目《旦沙律日記》一直陪伴她讀書：「嗰陣我係聽住佢把聲做功課，到入咗娛樂圈之後，我又同沙律姐姐合作，我哋咪開始熟咗。」
陳秀雯早前接受阿旦的訪問。
阿旦表示近十年陳秀雯發展了新興趣，就是調製香薰精油，更花一年時間全心投入學習，取得香薰治療師文憑證書，陳秀雯笑稱一開始並不是抱着創業的心態去了解香薰，而是純粹為興趣：「一開始最主要係我自己使用，後來朋友圈子知道我使用，有問題就嚟問我，圈子愈嚟愈大，之後咪有粉絲問可唔可以買我嘅產品，所以創立咗網上店舖。」
陳秀雯
之後阿旦再問她在演員和香薰治療師之間會選哪個身份，陳秀雯坦言兩個都是她喜歡的東西：「拍戲從來都唔會勉強自己，要遇到啱嘅戲先會去做，但係啱嘅劇本唔係成日都遇到，而且仲可能因為年紀唔同咗，可能以前拍咗好多啱嘅戲，遇到好多有趣嘅劇本，而家嘅體能又唔再一樣，所以遇到啱嘅戲先會出演。」
陳秀雯在2019年為ViuTV演出劇集《教束》後，有一段時間未有再演出，她表示遇到有趣的劇本再考慮接拍。