被主人捉住係咁錫 鄭秀文愛貓唔耐煩出喵喵拳逃走

Mike Mike表示：錫夠啦！！！

究竟邊個三生有幸，能夠獲得天后鄭秀文（Sammi）出post話「愛你愛到錫死你」？原來係佢隻愛貓Mike Mike。

一開始好似好Enjoy喎。

Mike Mike出晒名好cool，但鄭秀文post出嘅片可見，Mike Mike被鄭秀文抱住不停嘴面珠，似乎相當受落唔抗拒。不過，鄭秀文錫咗大概五六下之後，Mike Mike終於唔耐煩，出手推開鄭秀文個嘴，然後光速逃跑，笑死人。

Mike Mike嘅眼神漸漸有啲唔耐煩。

掙扎要走！

網民睇完之後，都話Mike Mike最後嘅貓貓拳好搞笑；有啲人就話好羨慕Mike Mike，好想被鄭秀文抱住錫錫。

Sammi差不多每年都為杜sir慶祝生日。

前日（4月22日）是導演杜琪峯69歲生日，每年#鄭秀文（Sammi）都會為恩師慶祝，今年也不例外。昨日（4月23日）Sammi在IG分享飯局照片，同場還有杜太、 鍾楚紅、古天樂 和張叔平等。鍾楚紅臉色紅潤保養得宜，非常搶眼，而杜太則換上一頭銀色短髮，十分有型格！

鄭秀文（Sammi）在IG分享與導演杜琪峯慶祝69歲生日的飯聚合照。

照片中還有杜太、鐵腳古天樂和鍾楚紅等，十分融洽溫馨！

Sammi表示：「認識杜sir，踏入第廿四年。一切由「孤男寡女」開始。廿四年，仍是感恩感激並感謝遇上。昨天是他生日之「聚」。生日快樂，杜sir。」Sammi以hashtag逐一介紹飯局的好友，包括「正在拍攝新戲的杜sir」、「剪掉長髮的能幹杜太」、「一天食一餐的古仔」（古天樂）、「忙於電影剪接的阿叔」（張叔平）、「繼續養尊處優的紅姑」（鍾楚紅）、「活躍勤奮的幕後elaine」、「思想天馬行空的Mi」（Sammi自己）。

Sammi與杜sir交情極深。

Sammi還踢爆古天樂一日食一餐，為保持身型好有紀律。至於形容杜太黃寶玲能幹，圈中早已聞名，她一直是杜Sir的賢內助，並且投資有道，過去喜歡買車位和工廈，曾於2015年以德富寶有限公司（Toprich Bless Ltd）董事名義，豪擲約2,000萬元購入觀塘華寶中心13個車位。2017年古天樂以5,000萬元購入她持有的觀塘潤承大廈工廈單位，可見杜太投資眼光獨到！

杜太黃寶玲（右）更是鮮有曝光！