*

upload_article_image

Executive日記——香港東部發現新品種珊瑚

  香港人煙稠密,近在咫尺嘅大自然,原來存活多樣性嘅物種。浸會大學嘅生物學家喺去年夏季於香港東部水域近打浪排一帶作水下調查時,就發現一個新珊瑚嘅物種。
  呢個新珊瑚物種,屬於「筒星珊瑚屬」,由於佢哋嘅珊瑚蟲(構成珊瑚嘅單體)呈鮮艷橙色,圍繞口部四周又長有一圈觸手,故常被稱為「太陽珊瑚」。研究團隊將呢個新種珊瑚命名為「大杯筒星珊瑚」(Tubastraea megacorallita),凸顯佢哋有大珊瑚杯呢一個特徵。喺浸大呢個發現之前,世上總共發現咗七個筒星珊瑚物種,而「大杯筒星珊瑚」擁有最大同結構最複雜嘅珊瑚杯,Kelly覺得好amazing。
  率領研究嘅系教授邱建文話,大杯筒星珊瑚喺本港及大灣區海域生活,係常見珊瑚品種之一,過往未有人仔細觀察研究,令佢哋至今才喺生物學界上「被發現」。
  另外,浸大生物學系亦發現兩種全新品種海蛞蝓(俗稱海牛),其中一種寄生於角孔珊瑚上,團隊將佢命名為「食角孔珊瑚背鰓海蛞蝓」。另一個新品種「褐帶背鰓海蛞蝓」,以十字牡丹珊瑚為食,其白色身體帶有棕色條紋,在同色同圖案的珊瑚中,是極佳嘅保護色。
Kelly Chu

- 閱讀更多 -