與徐㴓喬首度合作拍MV 馮允謙：佢好Sweet又無包袱

MV好唯美。

馮允謙（Jay）的吸血鬼愛情系列《一步一悔過》的MV終於曝光，在今次MV故事中，飾演吸血鬼的Jay不忍重傷的人類徐㴓喬（Asha）奄奄一息，讓她變成吸血鬼延續生命，後來兩人相愛，大樹下的鞦韆、躺在水果鮮花的野餐布置的地上卿卿我我，在世外桃源過著幸福快樂日子。不過Asha拒絕以鮮血續命，Jay眼見愛人步近死亡，他非常心痛和悔疚，最後，樹林中傳來一聲槍響「嘭」，Jay抱著滿身鮮血的Asha仰天吶喊。

好淒美。

Jay抱著滿身鮮血的Asha仰天吶喊。

今次Jay包辦新歌《一步一悔過》曲、詞、編，他透露demo歌名《Sorry》，旋律是幾年前與女友吵架後寫，他說：「當時我嘅事業靜咗落嚟，進入咗低潮期，個人好燥又固執，嗌完交唔肯say sorry。之後對自己好失望，好內疚，於是寫咗呢首《Sorry》，歌詞係講『遺憾』，我哋成長中會錯失咗補救嘅機會，返唔到轉頭，錯過咗就係錯過咗，所以要好好珍惜。」

鏡頭後就一啲都唔浪漫。

拍攝當日，Jay自爆已連續開工48小時，為保持清醒和去水腫，提早於凌晨3時去跑步，他說：「噚日全天拍廣告，今朝4點集合出發拍MV，我提早3點去跑7公里，去水腫。到依家已經48小時無瞓覺，有少少攰，但好多同事陪我開工，團隊合作好開心！」與Asha首次合作就又攬又抱，他說：「同Asha之前喺event見過一次，第二次見就要好親密咁攬住，佢好Sweet又無包袱，可能我哋都係ABC，好順利好愉快，但如果拍錫戲就會好驚。」爽朗的Asha拍拍他膊頭，笑說：「到依家拍咗8個鐘，我哋Friend咗㗎啦！其實今次係我第一次（拍MV），雖然演吸血鬼，但一啲都唔恐怖，衫和風景都好靚，感覺好淒美。」

拍攝當日，Jay連續開工48小時，為保持清醒和去水腫，提早凌晨3點去跑步。

Jay話可能同Asha都係ABC，好順利好愉快。

相關影片可以按以下畫面觀看：

影片連結：https://youtu.be/63e7AuV_X7Q

「唱作王子」馮允謙（Jay）新歌《JAY FUNG儀態訓練學院》MV上架，形象斯文淡定的他，成為歌迷的模範，亦吸引作填人黃偉文注意，成為新歌的創作靈感，就連歌名都加入「JAY FUNG」的名字。

Jay新歌《JAY FUNG儀態訓練學院》MV上架。

觀看相關影片按連結：https://youtu.be/6Dzlev8QH5k?si=j-gwp-Yz_HGCAcWx

拍攝MV現場，導演安排一個高級餐廳的場景，Jay坐在其中一張餐枱前，突然一班瘋狂食客爭相搶食物，椅子都被撞跌，他們衝過Jay身邊時亦幾乎將他扯落地，Jay保持儀態繼續安坐位上，最後他看到一位小男孩沒有跟著去搶食物，於是上前拖著小男孩離開。

MV在一間高級餐廳拍攝，Jay坐在其中一張餐枱前。

一班瘋狂食客突然衝出，爭相搶食物，椅子都被撞跌。

最後Jay見到一位小男孩沒有跟著去搶食物。

便上前拖著小男孩離開。

拍攝順利，Jay坦言埋位前略施小計與小男孩Marcus混熟，他說：「之前拍微電影曾經同小朋友合作過，拍MV就係第一次，其實我都係個大細路，同小朋友做對手戲最緊要係要同佢做朋友，先至有默契。同事準備咗好多零食，雖然我要Keep fit無得食，但我就攞去同小朋友做朋友。」除了零食，Jay哥哥還有溫柔地與小男孩講解劇情和排戲，練習走位，慈父感爆燈。

Jay指同小朋友做對手戲最緊要係要同佢做朋友！

Jay對於自己的名子出現在新歌名裏感到好奇，「歌名好特別，因為有我個名，係Wyman（黃偉文）諗㗎！我都有問點解？可能佢寫呢首歌嘅時候都會諗，點解Jay Fung平時或者出嚟做嘢，畀別人印象情緒比較冷靜，或者對任何事都會好正面或者冷靜。今次音樂班底，有我同June一齊作曲，Carl叔叔（王雙駿）編曲和監製，幾年前同Carl叔叔合作《因愛之罪名》，首歌好特別，我好鍾意。今次再合作，呢首歌比較難唱。唔知點解每次同佢合作都會好爆和挑戰高難度，不過經過佢手嘅歌我都好有信心。」

Jay對自己的名子出現在新歌名都感到好奇。

Jay式字幕

新歌以Jay的好脾氣做題材，但他自爆真實一面，「其實我都有發脾氣嘅時候，但同其他人合作時，會希望保持大家都喺舒服嘅狀態，係一種尊重。無論對方任何行為，我自己嘅行為都要盡量做好嗰一面，唔好理人哋點樣做，做自己，展現尊重嘅態度。」

新歌以Jay的好脾氣做題材，但他自言都有發脾氣的時候。