Anson Lo就住條腰照操肌 新歌MV登錄紐約時代廣場

仲要係3D巨幕！

教主盧瀚霆（Anson Lo）前日坐的士時發生交通意外，被後面一輛私家車撞到，整架車被撞上行人路的樹旁，事後他回到家中報平安並表示自己只是扭到一下腰而已，沒有大礙，令一眾「神徒」非常擔心。不過Anson Lo再三向粉絲表示自己沒有大礙，昨日亦有到健身室做運動，眼見教主主力操手臂，暫時避免腰部有太大動作，晚上Anson Lo坐的士回家時，帶住安全帶的他自拍叫粉絲們不要擔心他，向「神徒」分享自己的安全狀況，認真貼心！

工作後坐的士返家。

嘩，手瓜起腱，勁大隻！

Anson Lo扭傷腰後好快復原，昨日繼續健身。

交通意外後沒有大礙的Anson Lo今日已經繼續投入工作，到電台宣傳新歌，另外廣告接唔停手的他 ，與美髮造型品牌合作的造型照亦曝光，Anson穿上一身純白色西裝，協助女生們解決頭髮煩惱。

工作不停，一身白馬王子Look拍廣告。

再拍廣告。

Anson Lo最近推出新歌《Megahit》，「盧瀚霆國際後援會」為教主作全球應援，繼香港、澳門、加拿大、台灣後，今日美國紐約時代廣場的3D曲面巨型LED屏幕終於可以見到Anson Lo的MV播放，這個地方人流熱鬧，更是每年當地人除夕倒數的好去處。

美國紐約時代廣場的3D曲面巨型LED屏幕，可見到教主MV播放。

這個應援播放日期為10月25日至31日，大螢幕中除了播放《Megahit》 MV外，片尾還有3D 效果的Anson Lo跳舞片段做彩蛋，有這個彩蛋做驚喜，後援會亦特別多謝公司和花姐的協助。接下來英國和日本的應援亦會陸續推出，「神徒」如此愛錫「教主」，今日Anson Lo接受商台訪問的時候，亦不忘感激粉絲為他做的應援，又表示全球多個地區的應援令他十分驚喜！

AL的舞技令人期待。

今日接受電台訪問。

MIRROR正忙於世界巡迴演唱會，但盧瀚霆Anson Lo仍抽空於出發前製作新歌《深閨》，並於早前完成英國站巡唱後，與團隊走到巴黎拍攝歌曲的MV，這正好配合這次甜到漏的歌詞。

《深閨》由徐浩作曲、監製，黃偉文填詞，是Anson Lo暫時最喜歡自己的一首慢歌。歌詞內容簡單直接地道出，當愛上一個人之後，可以為對方變成一個黐家的人，被對方獨佔，甚至放棄名利。Anson Lo坦言歌詞完全說中了他的心態，道：「歌詞其中一句：『拒絕再做凡間千人迷』，好Relate到自己，同埋佢令我思考到，如果有一日我真係拍拖，係咪要放下自己工作上嘅Anson Lo？係一首好Personal嘅慢歌，所以我喺錄音室唱嘅時候係有唱到喊。」

Anson Lo推出新歌《深閨》。

觀看相關影片按連結：https://youtu.be/70vVZqVsqeg?si=9RD6my9ItvtgApW3

Anson Lo又幻想，如果自己拍拖，都應該幾似Wyman所寫，會全神貫於對方身上，「因為我係巨蟹座，係一個Home Guy（住家男人），好鍾意留喺屋企，拍拖的話，放工都會即刻返屋企，然後喺屋企食飯睇戲，瞓覺攬埋一齊；假期都未必出街，兩口子一齊煮下嘢食飲杯咖啡，就已經好好。因為如果我鍾意一個人，都好想24小時黐住佢，做乜都OK。」對於Anson Lo來說，《深閨》所說的愛情觀與他本人很吻合，但他相信，歌詞同樣說中了大眾當情到濃時，對於愛情的執迷與痴迷，他相信大家聽到歌詞，一樣會身同感受。

Anson Lo自言是住家男人。

如果鍾意一個人會好想24小時黐住對方。

對於Anson Lo來說，《深閨》所說的愛情觀與他本人很吻合。

為了《深閨》，Anson Lo這次特別在巡唱出發前將歌曲錄好，然後趁完成英國站演出後，特地走到巴黎拍攝。揀選巴黎拍MV，全因這裡予人浪漫、Fashion又Cozy的感覺，而《深閨》裡的愛情同樣十分浪漫，又無拘無束，加上從倫敦到巴黎只需個多小時十分方便，所以絕對是不二之選，而整個拍攝過程中，Anson Lo最喜歡在巴黎鐵塔拍攝的場口，他說：「夜晚可以睇到巴黎鐵塔唔同嘅燈光閃法，好靚！同埋我哋拍攝嘅地方只係隔住一條河仔，可以好近咁望到巴黎鐵塔，又大好靚，又襯首歌，而家可以拍埋入《深閨》MV裡面，有剔咗Bucket List嘅感覺。」

Anson Lo揀選巴黎拍MV，全因這裡予人浪漫、Fashion又Cozy的感覺。

與《深閨》中的愛情同樣十分浪漫，又無拘無束。

被問到又要巡演又要拍MV，體力上可以應付得到，Anson Lo坦言：「每次都係同自己講，應付唔到都要應付，因為做完巡演，話唔攰都係講緊大話，但只要每次做嘅嘢，都係自己好期待嘅作品，攰就唔係咁大問題。」

雖然要巡演又要拍MV，會好，但Anson Lo坦言：「應付唔到都要應付。」

這次是Anson Lo首次踏足巴黎，所以除了拍MV以外，他亦有在當地遊覽，他分享道：「有周圍睇下名勝、景點，買咗少少嘢，又有探索下啲Café，坐低飲下嘢食下嘢，又或者喺條街行下。其實今次巡演又好，喺巴黎拍MV又好，最鍾意做嘅嘢唔係買嘢，而係喺條街度行，因為喺香港一落樓就上車去工作目的地，好少喺條街度行，我好想喺唔同國家嘅街上面行，感受下嗰個國家嘅Vibe係點樣，可以見到好多人唔同嘅面貌，做人處事方式，都會好好奇，齋行都好有趣好好玩。」

首次踏足巴黎的Anson Lo除了拍MV以外，亦有在當地遊覽。