占卜算命非精密科學，正所謂信則有不信則無，有網民透露其一名女友人沉迷塔羅牌，甚至乎連每日出街前都要占卜，網民形容好像電影《行運超人》劇情一樣。
網民的朋友每日沉迷於塔羅牌，外出約會食飯都要先占卜。《行運超人》電影截圖
網民「香港討論區」發文稱，其一名女性朋友近年迷上塔羅牌，因為她曾經在工作方面迷失又不知從哪聽聞塔羅牌可以幫忙解決問題。一眾朋友雖然覺得信則有不信則無，既然朋友算完之後確實找到新工作還有發展，起初大家都沒有勸阻。
網民的朋友每日沉迷於塔羅牌，外出約會食飯都要先占卜。《行運超人》電影截圖
但近日女性朋友變本加厲，越來越誇張，「想學人話創業開間幫人算塔羅牌既小店之餘，仲話依家每日出街之前都會用塔羅牌算下今日運程係點，好似《行運超人》啲劇情咁」。網民形容，近日她「算到係咩方位可以遇到真命天子，依家次次約佢去街都話要去同一個地方...有時連個日要食咩佢都可以係屋企算完先出門口再話佢今日一定要食個樣嘢」。
unsplash圖片
網民覺得，「唔知佢咁樣算唔算太迷信啦，但係我就覺得佢開始有少少走火入魔...雖然佢咁做唔係影響到我啲咩，但係佢真係越嚟越嚴重，好似一日唔算過就周身唔安樂咁樣」
網民的朋友每日沉迷於塔羅牌，外出約會食飯都要先占卜。《行運超人》電影截圖
有網民認為「有時候人類都想預知未來，不要太沉迷就可以」。也有網民留言就覺得，「說明佢做人好不安。」、「即係佢無自信囉，下下要問神畀答案佢」。
帖文轉載自「會唔會太誇張？女仔朋友每日出街之前都要用塔羅牌算下先」
食客叫連鎖快餐店外賣驚見「超薄切豬扒」、「紙咁薄西多」，引網民嘲諷「燈影豬扒」、「西多紙」。
食客買外賣驚見「超薄切吉列豬扒」
有食客於Facebook群組「香港茶餐廳及美食關注組」發文，表示日前到某連鎖快餐店買外賣，當打開外賣後盒，驚見其中的吉列豬扒超級薄，更揶揄「薄切吉列豬扒，真係好功夫」。從照片中可見，這塊吉列豬扒真的非常薄身，外層的炸粉比肉更厚，十分誇張。
有食客光顧連鎖快餐店買外賣，驚見「超薄切吉列豬扒」。（FB圖片）
引網民揶揄「燈影豬扒」
照片一出，不少網民批評快餐店離譜「偷工減料好嚴重」、「加價好過降低食物品質，做臭自己個招牌」、「根本用肉片，佢都好意思俾人食」；網民更紛紛嘲諷「傳說中嘅燈影豬扒」、「豬肉乾厚過佢」、「係吉列火腿」、「炸紙皮箱」、「俾鍾意食脆漿嘅人食」、「要利潤厚啲都要練刀法㗎」、「以後可以話人情豬扒咁薄」、「吉列皮厚過肉！」、「爭少少薄過A4紙」。
有網民留言表示亦曾經中伏。（FB圖片）
又係連鎖快餐店出事，食客堂食「西多紙」
其後，又有另一食客於同一Facebook群組分享類似中伏經歷，表示日前到某連鎖快餐堂食，點了雞髀拼西多士，豈料西多士竟然薄如蟬翼，他立刻拿出身上的拉尺一度，件西多竟不足0.5厘米厚，從照片看，根本看不出來是一件西多，樓主苦笑言「好食，皮薄餡靚，大推」。
有另一食客遇上「西多紙」。（FB圖片）
網民笑「人情薄⋯西多仲薄」
帖文同樣引熱議，有網民搞笑表示「西多紙」、「而家牛角包都興壓扁黎食，可能佢跟潮流啫」、「師兄腐皮嚟㗎喎⋯」、「我以為係餐紙嚟」、「人情薄⋯西多仲薄」、「炸雲吞皮？」、「可能係春卷皮」、「又有納米吉列豬扒又有納米西多，香港真係飲食天堂」、「人情紙咁薄已經過時，而家興用吉豬或者西多」。
網民分享「超薄叉燒」。（FB圖片）
有人分享「超薄紅腸」。（FB圖片）
帖文來源：Facebook群組「香港茶餐廳及美食關注組」
