第三場五班千八米。「榮冠大道」今場跑贏馬路程,爭勝機會可以重新睇好。睇番佢上仗跑一哩並唔差,最終走入亞軍,而且田泰安都發揮得好,即使排外檔都無大影響。上次賽後,此駒就上咗從化操練,外觀更加靚。今場只要出閘後取位順利,等到直路望空應愈衝愈勁,期待佢今場打開勝利之門。同場我揀埋「雷霆戰駒」同「水星二號」。
  第六場四班千二米。我就鍾意「八卦」,佢上仗跑同程都有季軍,只係輸畀「豐彩華庭」同「狀元及第」,今場賽前再有試閘,當時由頭帶到尾,接近終點先畀「幸運有您」過頭,狀態好弗。若果今次出賽能夠把握早段,唔排除可以一放到底,而且今次換上另一批對手,普遍都實力平常,今次再配潘明輝亦人馬合拍,我對佢鬥志絕無懷疑。同場我揀埋「勁力爆發」同「日輝煌」。
B女