張繼聰囡囡出冧功叫哥哥畀嘢飲 喊喊吓突然唱《Baby Shark》

點解可以咁得意嘅～

張繼聰與謝安琪的四歲女兒張靖（Kakaball）相當搞笑，難得一對父母又不吝嗇，經常將囡囡的搞笑片段與大家分享，日前Kakaball的IG貼出一條小時候的影片，原來她看見哥哥張瞻飲嘢，於是苦苦哀求哥哥給她飲，哥哥表示等一等給點耐性。於是，張靖首先使出冧功，雙手摸著頭再點頭講唔該，然後又做出飛吻動作。

張靖不單是爸爸的甜心，亦是哥哥的甜心。

不過，哥哥唔受𠱁，依然表示要有耐性等一等。Kakaball隨即開始喊，喊喊吓突然峰迴路轉，雙手開始拍掌打拍子，把口則唱出：「Baby shark, doo, doo⋯⋯」令旁邊一眾成年人邊笑邊說：「點解唔開心要唱Baby Shark ？」話口未完，Kakaball唱唱下Baby Shark又真係收聲唔再喊，好有趣。

求吓你喇！

唔該哥哥！

張靖喊喊吓突然峰迴路轉改唱：「Baby shark, doo, doo⋯⋯」

兩大型男鬥身形

張繼聰曾與黃宗澤合作過劇集《幕後玩家》以及《紮職2》，早前兩人在健身房意外相遇，兩大型男鬥身形，張繼聰超有「機心」靠茅招搶Fo！

張繼聰經常騷肌

肌肉幾勁！

Bosco都好Fit

張繼聰在社交平台分享與黃宗澤及教練的合照，並留言：「紮職2之舉鐵」，之後他又貼出同一張照片：「諗諗吓好似第一次喺健身室撞到，真係要影返張相留念。我認我機心好重，第一張相，擺啱pose , 隻手老年咁大」。相片中的他故意彎曲手臂谷起二頭肌，手瓜起腱相當誇張，將舉機拍攝的黃宗澤比下去。

兩大型男首次健身房相遇！

張繼聰自認有機心！