她於19年修讀兒童與家庭教學碩士課程。
麥雅緻早前為陳琪、黃芳雯和吳日言主持的香港開電視節目《學霸睇樓團》擔任嘉賓，港姐出身的麥雅緻，在2012年與張頴康結婚，婚後育一女兩子，分別叫小豆、小花生和小蛋黃，訪問當日，細仔小蛋黃尚未出世，麥雅緻腹大便便亮相節目。
麥雅緻分享教仔心得。
雖然麥雅緻婚後專心相夫教子，不過她依然好學不倦，在2019年重返校園修讀兒童與家庭教學碩士課程，節目中她被稱為親子教育的專家，她還表示修讀課程後，學會了反思及了解子女的真正需要，而問到麥雅緻在選校方面會否崇尚傳統名校？她指：「我對傳統名校有不同階段看法，最初我以為自己係唔鍾意，不過睇睇吓又覺得傳統名校學費便宜、有好背景，我又變得好鍾意，但我反省過後，覺得最重要係睇小朋友本質。」
麥雅緻上月「卸貨」，誕下小蛋黃。
提到為小朋友選校，陳琪表示最怕功課多的學校，她笑說：「做阿媽最驚收到冇來電顯示嘅電話，因為全部都係老師打嚟，一聽到問係咪胡芷苓媽媽，我就飆汗，因為通常下一句就係佢未交功課，而且最擔心做功課係會破壞親子關係，有時覺得『咁簡單，教極都唔識』，真係好忟。」
麥雅緻覺得任何學校都好，最重要係睇小朋友本質。
麥雅緻早前為開電視節目《學霸睇樓團》擔任嘉賓。
張頴康及太太麥雅緻作客《咁你都唔識》，甫出場就做出心心手勢放閃，張頴康更十句有八句都在氹老婆。
張頴康與太太麥雅緻
《咁你都唔識》7月10日播出的第五集，三組嘉賓分別是朱智賢（朱朱）及中學同學牛丸、陸浩明（6號）及蔡醫師、鄭衍峰及大學同學Sally；朱智賢介紹與牛丸關係時，竟自爆中學時已學識打斧頭：「我同佢係中學同學，我哋嗰時成日兩個人訂一個飯盒share食，儲儲埋埋啲私己錢。」至於鄭衍峰則被Sally笑指讀書時異性緣暢旺：「佢獵晒我身邊啲女朋友！」
朱智賢與牛丸
陸浩明與蔡醫師
鄭衍峰與大學同學Sally
到正式埋牙比賽，6號及朱朱各有奇招搶鏡，近日在無綫劇《破毒強人》中飾演深思熟慮社團大嫂的朱朱，在綜藝節目中「傻大姐」本色回歸，邏緝與常識通通失靈，就連長居美國的好友牛丸，對香港的熟悉度似乎亦高過朱朱，難怪朱朱被封「朱隊友」之餘，不斷派表情包及擺靚甫「謝罪」。至於6號在節目後段表現簡直「如有神助」，常識知識兼備，令人眼前一亮。
朱朱答個問題啫，使唔使咁多表情先。
朱朱答個問題啫，使唔使咁多表情先。
啲甫擺到港姐咁款。
三位主持因乜事咁無奈。
陸浩明答問題時都好投入吓。
鄭衍峰喺搶答環節都幾取巧㗎。
朱朱反應過激，連好友牛丸都嚇親。
「零的突破」可以開心成咁，就知佢表現有幾咁強差人意。
想睇朱朱點樣傻大姐法？留意節目啦。
7月11日播出的第六集，邀得的三組嘉賓分別是楊潮凱及同學Chris、張頴康及太太麥雅緻、蔣祖曼及髮型師好友希子。三組嘉賓常識度堪稱「阿蘭嫁阿瑞」，反而是負責助攻的麥雅緻及希子表現較為出色，麥雅緻在搶答環節更是與6號一樣如有神助「百答百中」，就算補答亦例不虛發，令張頴康甘拜下風。
楊潮凱與同學Chris
張頴康與太太麥雅緻，個出場手勢冧到哩。
蔣祖曼與髮型師好友希子
該集絕對是「張麥CP」晒恩愛真人騷，首先二人出場時合拍地做出心心手勢，甜蜜滿瀉；之後張頴康十句有八句都是以「氹老婆」為大前提，首先談到與太太組隊，張頴康眼神堅定地表示：「冇得輸呀！」當被問到香港熱門女生名字時，張頴康第二度出擊賣口乖：「雅緻咪我（唯一）女性朋友咯。」到了「真定假？咁你都唔識」環節，對於太太疑幻似真的說詞，張頴康想也不想第三度發功：「佢唔會對我講大話，就算佢講大話，我都接受！」成功氹得老婆甜笑兼大派心心。
其實張頴康都有好間唔中咁輕輕寸吓太太，呢啲係情趣嚟。
謝嘉怡睇嚟有潛力成為新一代主持界笑彈。
其實張頴康聽老婆講嘢嗰陣，係咪忍緊笑架呢？
麥雅緻派心心。
謝嘉怡嘅「威力」，令到張頴康都大嗌投降。
夫妻同心其利斷金。
再重溫一次張頴康嘅口花樣。
同埋麥雅緻嘅冧樣先
另一搶焦位是楊潮凱，首先他不但遭圍攻、被指狀似沒有公德心的人，麥雅緻更搞笑追問潮凱：「我唔信你冇掟過水波！」到了「真定假」環節，雖然楊潮凱拿出滿臉誠懇解釋「班地厘」，可惜Chris不但唔buy，更謂：「通常佢咁樣衰，一定係講緊大話。」場面爆笑。今集謝嘉怡繼續妙語連篇，先後因為「武術指導」及「班機delay」氹得全場笑破肚皮，想知嘉怡到底講咗乜，記住收睇《咁你都唔識》。
楊潮凱喺節目入面盡顯佻皮本色。
潮凱一臉真誠、可惜連好友Chris都唔buy。
