孖張寶兒分享護膚秘訣 吳若希：我會用清水洗臉

保持最佳狀態。

由《學是學非》幕後班底用心打造、黎諾懿及楊潮凱擔任主持，無綫新進小花何沛珈及陳嘉慧扮演可愛護士的全新資訊健康遊戲節目《醫醫，我不想再病了》，逢週四及週五晚十點半翡翠台播出。

張寶兒咩事好似失咗平衡咁嘅。

黎諾懿係咁騷擾張寶兒，好彩佢都順利過關。

「流姑娘」何沛珈（左一）呢集醒目番晒，佢隊友吳若希（中）同張寶兒亦同樣表演出色。

左起：陳嘉慧、余英傑博士、陳鈞傑博士

今晚（29日）播出的第十集將探討「皮膚病」，原來每五個人就有一個人備受濕疹問題困擾，三成患者更會引發情緒問題甚至患上抑鬱。今集請來皮膚科專科醫生陳厚毅及註冊營養師梁嘉文分享健康資訊及小貼士，齊齊探討「扁平疣會否導致子宮頸癌」、「洗頭水能否醫治汗斑」及「浸浴時加蜜糖、醋還是漂白水可舒緩嚴重濕疹」等問題。

吳若希嗰組被讚「半個醫生」。

張寶兒同吳若希全程都默契十足，笑容亦同樣一致。

吳若希答咩咁苦惱？

吳若希真係乜都笑得一餐。

呢個「神器」似嚇親吳若希。

至於嘉賓陣容則有陳鈞傑博士、余英傑博士、吳若希及張寶兒，兩位女嘉賓更齊齊分享護膚心得，張寶兒謂：「皮膚掂得愈少愈好，因為掂得愈多，磨擦得多，皮膚容易起繭。」吳若希則謂：「我會用清水洗臉，除咗化咗妝之外。」

是集「健康小測試」測試眾嘉賓「本體感覺」及有否中風危機，雖然四位嘉賓看似遴遴迍迍，張寶兒更遭搞搞震的黎諾懿「窒住道氣」，但最終四人順利通關。是集未知是否因「流姑娘」何沛珈突然變醒，以致同組的張寶兒及吳若希亦表現出色，二人多番「中Point」，被陳厚毅醫生點名大讚恍如「半個醫生」，並指二人對皮膚問題的認知比兩位博士更勝一籌！到底最終兩位博士能否扳回一城、挽回面子呢？另外在「健康神獎」環節，張寶兒吳若希在「命運安排」下，需赤腳站在石春路上挑戰「減壓及訓練思維轉數」神器「彩虹矽膠板」，吳若希更數度流露痛苦神情，相當搞笑。

張寶兒個樣好痛苦吓。

石春路真係永恒嘅「酷刑」之一。

左起：陳嘉慧、楊潮凱、余英傑、陳鈞傑、張寶兒、吳若希、黎諾懿、何沛珈

4大嘉賓鬥數「襟撈」三大型男當中一人更是國際級知名人士！

清談節目《MORAZ天然草本驅蚊靈呈獻：Mayanne小喇叭》由麥美恩（Mayanne）擔任主持，曾展望（GM）擔任助理主持，19日10點半翡翠台播映最後一集。Mayanne邀來林盛斌（Bob）、朱咪咪、吳若希及袁偉豪（Ben）擔任嘉賓，大談「襟撈」定義兼八卦地狂數三名「襟撈」型男，分別是郭富城、碧咸及陳豪！事緣阿Bob談到「願意合照」是藝人襟撈其中一個準則時，Mayanne興奮地大談與碧咸的一次同台經歷：「當時我做MC，安排緊啲客同碧咸影相，佢就擰轉頭同我講『Would you like a photo as well？』」隨即引發全場尖叫，城城則獲阿Bob點名讚「合照來者不拒」。阿Bob又謂「願意合照」其實是藝人絕佳公關：「嗰個人搵你影相，係因為佢鍾意你，佢咁同你影第一佢好開心，第二可能放社交平台讚吓你。」阿Bob續指農夫亦相當識做：「有時面對一啲新人或業餘主持人，佢哋上台前會問製作單位位主持叫咩名，上到台就會叫嗰個人個名，個主持人就覺得受尊重。」即場被票選為「襟撈」代表的阿Bob及咪咪姐，更大方分享演藝界「襟撈」金科玉律，密切留意。

最後一集嘉賓有吳若希、袁偉豪

朱咪咪同林盛斌

Mayanne講番當年碧咸主動問佢使唔使合照時，吳若希瘋狂尖叫。

袁偉豪成功過渡看淡負評：最好唔好講嘢

至於被即場票選為「唔襟撈」代表的吳若希，及舉手自認唔襟撈的阿Ben，亦先後獲機會「自辯」。其中自與太太張寶兒結婚後飽受不少負評的阿Ben，直認當初確實介意，但現在已看化：「我覺得你可以有自己睇法，但最好唔好講嘢，唔好喺網上表達自己意見，就算好簡單講句『我唔鍾意』，每個人接收你嗰句唔鍾意都有唔同睇法。」、「其實普遍大部分觀眾都唔認識我，同時仲會對我多咗個睇法，自己喺工作上努力咗咁多年會覺得唔抵；為頭家點點點，到頭來都有網民對你有另外睇法。當然嗰個係一個階段，呢刻你問番我，人生其實幾咁美好，生咗小朋友又可以同小朋友玩，亦冇咁在乎得失同人哋評價，咁其實就冇嘢。」阿Ben說畢，Mayanne及現場嘉賓即爭相指他放鬆了不少，對此阿Ben搞笑謂：「如果咁都唔鬆，真係唔使再撈喇！」

對於網民嘅聲音，袁偉豪明顯睇淡咗好多。

吳若希親解頒獎禮Over舉動背後真相

四位嘉賓還大派花生，Mayanne重提吳若希當年在《勁歌金曲》頒獎禮中，當宣布菊梓喬獲得女歌手獎時，如何overreact令全場爆尷的往事：「我喺個台度心諗：『吳若希你收斂少少好冇呀？你興奮過得獎嗰個，唔該你坐番低啦！」』吳若希即解畫謂：「因為我好緊張，當刻我心諗我未夠班，千祈唔好頒畀我呀，我攞咗又要畀人鬧喇。」Mayanne續指當時大會司儀都在台上盤數如何為吳若希打圓場，咪咪姐聞言即搞笑搭嗲：「點兜啫，做到咁出面！」Mayanne繼續「針對」若希謂：「我成日懷疑點解佢仲喺呢行，佢成日辣著網民，我同佢影合照放社交平台，啲人會喺我度留言問我點解仲同呢個人做朋友。」並指若希出事原因是經常「公審」老公，咪咪姐聞言勁驚訝：「呢啲私隱做乜擺上網？」到底自封「小辣椒」的吳若希會點樣回應？

對於吳若希喺網絡「公審」老公，咪咪姐大表費解。

咁到底吳若希會點回應？

Mayanne重演番吳若希當年喺頒獎禮失態一幕。

吳若希就解釋番當時嘅心情。

至於阿Bob的大型花生，就是當Mayanne問他接Job有沒有底線時，他揞名爆曾推掉一部三級片，隨即惹起哄動，阿Bob更會娓娓道來當時推卻邀約的真相！之後若希追問：「如果搵你好似黎諾懿要露半個pat pat呢？」阿Bob竟爽快以五個字答案回應，到底又是甚麼？另阿Bob還親述曾親自回應網民負評的往事，最終成功將嬲到爆粗留言的網民最後變成留言為阿Bob打氣，打底阿Bob如何以奇招化解戾氣？密切留意今晚最後一集《Mayanne小喇叭》。

阿Bob一講話曾經有人搵佢拍三級片，震撼到Mayanne即刻企起身。

吳若希追問林盛斌裸露底線，阿Bob個答案當然絕啜核啦。

吳若希追問林盛斌裸露底線，阿Bob個答案當然絕啜核啦。

阿Bob講番當年同細細粒嘅激烈親熱戲時，一度嚇親咪咪姐。

對付負評，阿Bob有自己一套嘅應對方法。

呢一集曾展望會為自己一件好唔識撈嘅往事公開道歉，到底咩事咁大件事？