Skip to Content Facebook Feature Image

81萬市民今日獲發第二期消費券 政府陸續發短訊通知

@消費

81萬市民今日獲發第二期消費券 政府陸續發短訊通知
@消費

@消費

81萬市民今日獲發第二期消費券 政府陸續發短訊通知

2021年11月01日 09:48 最後更新:12:06

政府發言人表示,政府已於今日經4間儲值支付工具營辦商,向約81萬名在9月1日獲發第一期消費券的合資格市民,發放第二期消費券。這些市民今日內會陸續收到相關手機短訊或應用程式推送通知。至於在10月1日獲發放第一期消費券的市民,他們將於12月1日獲發放第二期消費券。

資料圖片

資料圖片

選擇透過支付寶香港、Tap & Go「拍住賞」或WeChat Pay HK收取消費券的市民,其消費券已直接存入其指定的儲值支付工具帳戶,有關金額會獨立於帳戶內原有的電子錢包,市民在付款時只需開啓應用程式選擇使用消費券,然後如常付款。發言人提醒上述市民,第二期消費券金額為3,000元,有效期為三個月,即與第一期2,000元消費券同於明年1月31日到期,未使用的消費券餘額將在有效期後自動失效。

資料圖片

資料圖片

資料圖片

資料圖片

發言人提醒選擇以八達通收取消費券的市民,需到設於港鐵站、輕鐵客務中心、指定碼頭及公共運輸交匯處的公共交通費用補貼領取站、指定便利店和超級市場、八達通服務站或透過八達通手機應用程式拍卡領取消費券。有關金額將與八達通卡內原有的儲值額合併。市民可如常使用八達通卡付款,若有關付款屬消費券適用範圍的項目,會被自動計入「合資格消費」總額,即已自動使用消費券。第一期及第二期消費券金額均為2,000元,當「合資格消費」總額在第一期消費券發放後的4至7個月內達到4,000元,第三期1,000元消費券便會在達標後的下一個月16日發放。透過八達通卡收取消費券的市民,如到超級市場或便利店拍卡領取消費券,他們毋須購物,但須向店鋪收銀員表明領取消費券,才會取得該券。

政府今日向約81萬名市民發放第二期消費券。資料圖片

政府今日向約81萬名市民發放第二期消費券。資料圖片

往下看更多文章

最後機會

2021年08月14日 11:51 最後更新:12:36

唔經唔覺,政府的消費券計劃自8月1日派發了第一期的2000元後,至今都經已差不多兩個星期,唔知大家呢筆「意外之財」用成點呢?大家係每日慢慢「搣下搣下」,還是好似財爺波叔咁,買禮物請食蝦餃一日就使晒兼使凸呢?點都好啦,正如傳統智慧話齋「使左出去嘅錢先至係你嘅錢」,所以大家收到消費券後,千祈唔好留手,快快脆脆使左佢,自己開心之餘,又幫手振興到經濟,一舉兩得。

無論係一般市民或做生意的商戶,都十分歡迎消費券計劃。

無論係一般市民或做生意的商戶,都十分歡迎消費券計劃。

從今次坊間反應來看,無論係一般市民或做生意的商戶,都十分歡迎消費券計劃。登記數字上,計劃至今已收到約690萬個登記,即係差不多全港九成半的市民都已登記咗,反應都真係好踴躍。計劃明天(8月14日)午夜就截止登記,我已經叫咗我嗰一千零一個仲未登記嘅朋友,唔好搞到咁「抆」,上網登記只要用佢幾分鐘!佢仲話諗緊可能去郵局或銀行交書面表格,我唯有長氣啲提佢要留意返星期六下午不是辦公時間所以唔會收表,要預夠時間至好。

無論係一般市民或做生意的商戶,都十分歡迎消費券計劃。

無論係一般市民或做生意的商戶,都十分歡迎消費券計劃。

講開登記,我早兩日喺收音機聽到話有部分上網登記,而又選擇上載身份證做認證的市民,原來至今都仲未上載,搞到個登記做唔成、收唔到錢!希望呢班大頭蝦可以趕得切最遲8月16日,即下周一前上載完成身份核證,否則因為咁而拎唔到消費券就真係「見財化水」。

大家記得check下自己的申請係咪完成和有效。

大家記得check下自己的申請係咪完成和有效。

如果你係遞交書面登記表格,都唔好太「老定」住,我聽到局中人話佢哋所收的書面表格中,當中有不少都是無效,例如沒有附上身分證副本、填漏資料之類,政府已經向佢哋發短訊,提醒佢哋要重新遞交。如果你到呢刻都仲未確定自己的登記成唔成功,記得check下自己手機有無收到短訊通知,大家亦可以打電話去政府熱線185 000,查詢自己的申請係咪完成和有效。

至於我呢啲已經有消費券在手嘅,就梗係要繼續齊齊消費啦。過去兩個星期,我都問過下身邊親朋戚友張消費券用成點,特別關心年紀大啲嘅用唔用得掂電子支付呢?結果發現好多老友記其實都好醒,學嘢好快,用起上來無難度。雖然初期聽到話有個別電子支付平台出現咗啲唔順暢情況,但佢哋都好快修正咗。至於有個別商戶對收消費券加咗啲額外條件,我見波叔都好快拍片出來講解,話消費券購物或購買服務,不存在最低消費要求,也不容許額外收費。最近呢個星期,我見類似呢類嘅爭拗亦都好似少咗,似乎政府的訊息交待都算及時和有效。

大家要記住精明消費三步曲。

大家要記住精明消費三步曲。

講真,大家出嚟使錢,最緊要係開心。要使得開心,無論有無消費券,都記住要做個精明消費者,時刻保障好自己權益,面對商戶的不同優惠時要留意啲條款,咁就唔使俾啲無謂爭拗影響自己嘅消費心情啦。學波叔喺網誌話齋,大家要記得精明消費三步曲:睇貨價、睇支付、睇單據啦!

你 或 有 興 趣 的 文 章