黃宗澤拍外景卑貓企上膊 蔡思貝留言：你就好啦

好羨慕～

黃宗澤（Bosco）正跟王敏奕拍攝新劇《法證先鋒V》，近嚟唔太熱夜晚仲幾涼爽添。尋日（1日）Bosco等埋位前，有位「朋友」爬咗上佢膊頭，邊個咁大膽？係一隻有頸帶，叫燒賣嘅黃白色貓貓，之前已經同王敏奕拍過對手戲，勁嘢嘅嚟。

貓貓四圍望好精靈。

Hello燒賣，你好得意呀。

Bosco留言：「呢位小朋友相當招積喎！點解你咁鍾意企喺人膊頭嘅！」Bosco上載咗三張同小朋友影嘅合照，貓貓唔怕生保，企喺Bosco膊頭仲企得好定，蔡思貝留言，「你就好，有得同貓貓做戲。」聞到好大陣葡萄味喎。

貓貓以為自己係鸚鵡。

人哋啲貓永遠唔會令你 失望。

兩大型男鬥身形

張繼聰曾與黃宗澤合作過劇集《幕後玩家》以及《紮職2》，早前兩人在健身房意外相遇，兩大型男鬥身形，張繼聰超有「機心」靠茅招搶Fo！

張繼聰經常騷肌

肌肉幾勁！

Bosco都好Fit

張繼聰在社交平台分享與黃宗澤及教練的合照，並留言：「紮職2之舉鐵」，之後他又貼出同一張照片：「諗諗吓好似第一次喺健身室撞到，真係要影返張相留念。我認我機心好重，第一張相，擺啱pose , 隻手老年咁大」。相片中的他故意彎曲手臂谷起二頭肌，手瓜起腱相當誇張，將舉機拍攝的黃宗澤比下去。

兩大型男首次健身房相遇！

張繼聰自認有機心！