許廷鏗曾向參賽者發脾氣 欣宜對《肥美人》節目有興趣

欣宜和許廷鏗最近合作拍電影。

鄭欣宜和許廷鏗昨日（7日）在將軍澳出席活動，二人同以藍白黑造型亮相，打扮襯到絕，還應大會要求祝酒當「合巹交杯」。

二人應大會要求祝酒當「合巹交杯」。

許廷鏗爆是他主動找欣宜襯衫，因為怕對方小器，一定要尊重她。許廷鏗早前首次拍電影《深宵閃避球》，並與欣宜合演夫妻，但拍攝時經常忍不住大笑，作為前輩的欣宜叮囑他要放到盡，不要怕醜。

欣宜和許廷鏗穿情侶裝出席活動。

談到有建議欣宜為ViuTV的《肥美人》指導，她說：「如果搵到我亦會考慮，因為幾新鮮，不妨一試。」

來自法國的can can dancer大跳法國傳統熱舞助興。

欣宜表示有興趣做《肥美人》指導。

對於為《全民造星IV》擔任導師的許廷鏗，自爆因欠耐性曾經發脾氣，欣宜即說：「要畀多啲時間參賽者，畢竟好多都係得10幾歲。」許廷鏗亦承認有很多參賽者被點醒之後，亦進步很快，至於是否「藝人家屬」反而最先遭到淘汰？他大賣關子，叫大家留意事態發展。

欣宜和許廷鏗最近合作拍電影。

許廷鏗表示當實體唱片是自己的卡片。

許廷鏗（Alfred）日前舉辦新歌試聽會及簽名會，由中午2點簽到晚上九時，Fans沿途各站上車見偶像，Alfred簽名都簽到手軟：「電車做新歌試聽會及簽名會，我之前好忍手唔幫Fans簽名，因為想等到今日先簽名，可以喺電車度同大家傾吓計，我同歌迷之間似朋友多啲，佢地已經唔會簽叫，所以呢日都會以親民為主。」

Alfred日前在電車舉辦新歌試聽會及簽名會。

Alfred新歌《多多指教》推出在即，亦宣布即將海外宣傳：「廣東話有時頗限制，但如果令其他地方了解多啲廣東話，呢個講法有啲偉大，但最想自己嘅音樂去到唔同嘅地方。」呢日雖然舉行「簽名會」，但中途發生「哈碌」情況：「我本來準備咗十幾枝簽名筆，不過呢一刻應該仲喺我張床度！簽名會唔記得帶筆真係癲咗線，好彩我有個美麗嘅Fans借咗枝筆比我，應該都頂到兩站嘅，不過都叫同事幫手去撲筆。」

Alfred宣布即將海外宣傳新歌。

Alfred笑言自己與Fans沒距離，仲話自己不時「周圍去」，希望與大家貼近：「希望用自己嘅影響力比其他人聽到，所以好多時作品源自Fans嘅DM，成為創作嘅養份。而出碟係因為自己『老餅』、『老派』，想要有實物喺手，我都當唱片係自己嘅卡片，不過張卡片嘅製作費好貴，只要有人買同想我簽名，所以都會製作。」佢就話同贊助品牌熟絡，碰巧對方電車有空檔，Alfred即時借用舉行互動簽名會，仲話有機會巡唱，叫歌迷跟住一齊出Trip。

Alfred笑言自己與Fans沒距離。

雖然實體碟製作費好貴，但Alfred指只要有人買同要他簽名，他都會製作。