計劃買樓作新婚愛巢 馬國明：目前正在物色中

等聽好消息。

馬國明、張寶兒及伍樂怡等出席今日出席TVB台慶劇《星空下的仁醫》宣傳活動，鍾嘉欣就越洋拍片多謝觀眾支持。有指馬國明已向國際名牌訂婚戒，明年初與女友湯洛雯結婚，馬明對此否認，並指一直要開工，拍完《隱形戰隊》緊接開拍新劇《法言人》。問到有否結婚計畫?馬明強調若真有計劃會主動講，多謝關心，結婚不是秘密，大家不用估，就算估也不會答，每次有劇推出便傳他結婚，笑言究竟要結幾多次婚。

馬國明表示再買樓會填屋企人嘅名，因為雙重印花稅好貴。

有傳馬國明嘅愛巢跟泥鯭（黎萬宏）是同一屋苑。

對有傳馬國明的愛巢與舊愛黃心穎的新歡泥鯭（黎萬宏）是同一屋苑，他說真的不知道，目前他同屋企人住，但都想買多層樓結婚，目前正在物色中。目標是否想買獨立屋?他笑稱未有這個能力，地點不會考慮近公司，因為他想有放工的感覺，如果通告太密可以租附近酒店休息。他指出買樓首選是香港區，他與湯洛雯也習慣住香港區，而且希望自己有能力完成這個目標。問會否寫女友名?他表示自己及女友已是業主，會考慮用家人的名，因雙重印花稅好貴，寧願用這筆錢用來裝修，他不介意用家人的名買樓，因為跟家人甚少為錢銀爭拗。

鍾嘉欣越洋拍片多謝觀眾支持。

馬國明再強調目前好忙，唔得閒結婚。

靚湯心痛愛貓！

湯洛雯（靚湯）與馬國明結婚後，雖然二人未生小朋友，不過他們當一對愛貓Tino同Ariel是心肝寶貝一樣，十分疼愛。昨晚（3月19日）靚湯在IG上載其中一隻愛貓打完疫苗後出現異常反應，令她非常擔心，心痛到眼淚狂飆，還提醒大家帶毛孩去打疫苗時，一定要小心觀察打完之後的反應。

湯洛雯與馬國明當兩隻愛貓是心肝寶貝一樣。

愛貓打完疫苗後出異常反應。

靚湯說：「大家帶毛孩去打疫苗時候，一定要小心觀察打完之後嘅反應！今日帶大仔去打疫苗，以前打都冇事最多係攰啲，但係今日返到屋企，見佢一開始少少肚痾，跟住鼻哥好紅，再見到佢眼腫晒，之後呼吸極快，我真係嚇到癲咗即刻帶返佢去診所，打抗敏針同止嘔針，瞓氧氣箱，個心痛到啲眼淚狂飆。」她續指幸好半小時後情況舒緩「依家帶咗返屋企，好攰好攰，係咁瞓覺，都放心返啲醫生話極少數會有咁嘅反應，不過咁啱就係嗰個極少數佢仲話好彩我哋快帶佢去，如果唔係後果都有危險…………大家有冇試過啲咁嘅情況？」

靚湯心痛得狂飆淚！

隨後，靚湯感謝大家的留言，並指愛貓情況已穩定：「多謝大家嘅留言，原來大家都試過有咁嘅情況，真係好恐怖，第時都真係要考慮係咪真係要繼續打，太驚嚇。Update返，見佢睡姿回復正常，應該舒服返好多。」

靚湯叫大家帶毛孩打完疫苗後， 一定要留意牠們情況。

指愛貓情況已穩定。