Anson Lo工作過勞皮膚變差 Jer自爆有魚尾紋

捱到殘？

MIRROR成員盧瀚霆（Anson Lo）與柳應廷（Jer），今日到九龍灣為ViuTV音樂節目《Chill Club》錄影，兩人今次是第二度以此組合上節目唱歌，今次將會合唱3首歌以及唱出串燒歌。阿Jer指今次節目主題是成長，甚有共鳴，回到當年由參加《全民造星》直至現在成為歌手，當中充滿很多回憶片段。自覺有那方面成長？Anson Lo笑言：「容易被人話攰，睇起嚟不在狀態，如果係樣睇上嚟就好攰，媽咪話捱夜會容易殘，中學就唔覺，但呢3年皮膚真係差好多。」而Jer則笑說：「呢啲成為咗我哋嘅歲月痕跡，好似多咗魚尾紋，但呢啲都成為經歷，可能令唱歌好聽啲，多啲滄桑感。」

兩人跟主持駱振偉合照。

Jer（左）和教主自認捱殘了不少。

提到另一成員呂爵安（Edan）近日自爆連續工作40個小時冇休息，早前Anson Lo正跟他及毛舜筠合作拍戲，Anson Lo謂：「我就唔使，但見住佢40個鐘都好辛苦，不過我嘅69個鐘仍係冠軍未被人打破紀碌。」他又透露兩人與毛姐合作的電影已煞科，笑指他與Edan在戲中個性完全相反：「平時Edan好Hyper，但戲中佢好沉實，反而我喺戲中就好Hyper！」Jer則笑言剛在化妝間見到Edan，笑指他很精神，當做自己喜歡的事便不會覺得疲倦。

唔係呀，仲好靚仔喎。

Anson Lo透露跟Edan和毛姐合作的新戲已拍完。

另外，Anson Lo在現正播映的節目《神的女主角》中，昨晚（10日）一集因玩天梯而被安全繩勒到重要部位，他笑言是幾個月前發生，現在已沒事。提到在節目中面對恐懼，Anson Lo表示絕對願意接受挑戰，笑言自己是「驚青底」，又預告今晚一集自己將會失控。

Jer剛才見到Edan，指對方十分精神。

Anson Lo和Jer在《Chill Club》第二度合唱。

MIRROR正忙於世界巡迴演唱會，但盧瀚霆Anson Lo仍抽空於出發前製作新歌《深閨》，並於早前完成英國站巡唱後，與團隊走到巴黎拍攝歌曲的MV，這正好配合這次甜到漏的歌詞。

《深閨》由徐浩作曲、監製，黃偉文填詞，是Anson Lo暫時最喜歡自己的一首慢歌。歌詞內容簡單直接地道出，當愛上一個人之後，可以為對方變成一個黐家的人，被對方獨佔，甚至放棄名利。Anson Lo坦言歌詞完全說中了他的心態，道：「歌詞其中一句：『拒絕再做凡間千人迷』，好Relate到自己，同埋佢令我思考到，如果有一日我真係拍拖，係咪要放下自己工作上嘅Anson Lo？係一首好Personal嘅慢歌，所以我喺錄音室唱嘅時候係有唱到喊。」

Anson Lo推出新歌《深閨》。

觀看相關影片按連結：https://youtu.be/70vVZqVsqeg?si=9RD6my9ItvtgApW3

Anson Lo又幻想，如果自己拍拖，都應該幾似Wyman所寫，會全神貫於對方身上，「因為我係巨蟹座，係一個Home Guy（住家男人），好鍾意留喺屋企，拍拖的話，放工都會即刻返屋企，然後喺屋企食飯睇戲，瞓覺攬埋一齊；假期都未必出街，兩口子一齊煮下嘢食飲杯咖啡，就已經好好。因為如果我鍾意一個人，都好想24小時黐住佢，做乜都OK。」對於Anson Lo來說，《深閨》所說的愛情觀與他本人很吻合，但他相信，歌詞同樣說中了大眾當情到濃時，對於愛情的執迷與痴迷，他相信大家聽到歌詞，一樣會身同感受。

Anson Lo自言是住家男人。

如果鍾意一個人會好想24小時黐住對方。

對於Anson Lo來說，《深閨》所說的愛情觀與他本人很吻合。

為了《深閨》，Anson Lo這次特別在巡唱出發前將歌曲錄好，然後趁完成英國站演出後，特地走到巴黎拍攝。揀選巴黎拍MV，全因這裡予人浪漫、Fashion又Cozy的感覺，而《深閨》裡的愛情同樣十分浪漫，又無拘無束，加上從倫敦到巴黎只需個多小時十分方便，所以絕對是不二之選，而整個拍攝過程中，Anson Lo最喜歡在巴黎鐵塔拍攝的場口，他說：「夜晚可以睇到巴黎鐵塔唔同嘅燈光閃法，好靚！同埋我哋拍攝嘅地方只係隔住一條河仔，可以好近咁望到巴黎鐵塔，又大好靚，又襯首歌，而家可以拍埋入《深閨》MV裡面，有剔咗Bucket List嘅感覺。」

Anson Lo揀選巴黎拍MV，全因這裡予人浪漫、Fashion又Cozy的感覺。

與《深閨》中的愛情同樣十分浪漫，又無拘無束。

被問到又要巡演又要拍MV，體力上可以應付得到，Anson Lo坦言：「每次都係同自己講，應付唔到都要應付，因為做完巡演，話唔攰都係講緊大話，但只要每次做嘅嘢，都係自己好期待嘅作品，攰就唔係咁大問題。」

雖然要巡演又要拍MV，會好，但Anson Lo坦言：「應付唔到都要應付。」

這次是Anson Lo首次踏足巴黎，所以除了拍MV以外，他亦有在當地遊覽，他分享道：「有周圍睇下名勝、景點，買咗少少嘢，又有探索下啲Café，坐低飲下嘢食下嘢，又或者喺條街行下。其實今次巡演又好，喺巴黎拍MV又好，最鍾意做嘅嘢唔係買嘢，而係喺條街度行，因為喺香港一落樓就上車去工作目的地，好少喺條街度行，我好想喺唔同國家嘅街上面行，感受下嗰個國家嘅Vibe係點樣，可以見到好多人唔同嘅面貌，做人處事方式，都會好好奇，齋行都好有趣好好玩。」

首次踏足巴黎的Anson Lo除了拍MV以外，亦有在當地遊覽。