方力申《美女廚房》作孽太多要還債 周嘉洛炒出毒霧嚇窒試食團

小方更被罰無水用～

明晚（15日）播出的《男神廚房》第七集，將展開新一輪男神對決，請來元祖級《美女廚房》主持「率直男神」方力申、世界口琴冠軍「好吹得男神」李俊樂、「廢青男神」周嘉洛以及「無難事男神」關禮傑應戰，而美女試食團成員則為身為多間餐廳老闆娘的林夏薇、馮盈盈以及美女廚師Hilda。

方力申正式開煮前都仲好有信心。

周嘉洛話要送電飯煲畀林夏薇喎。

關禮傑用紙包蛋糕暗寸Do姐「惡啃」，真係係佢至夠膽咁做。

世界口琴冠軍李俊樂係首度亮相綜藝節目㗎。

是集菜式主題為「辣」，「處男廚神」嫌疑人物則有兩大目標，分別為小方及周嘉洛。小方雖然看似準備十足、食材齊全，但烹調功架卻水準之下，除了被發現挑蝦腸挑至隻蝦「面目全非」外，就連切辣椒手法都勁騎呢。

小方連挑蝦腸都搞唔掂。

切個辣椒都好似做緊大手術咁。

所以，美女試食團估佢係「處男廚神」。

「屋漏兼逢連夜雨」的小方，烹調途中更發現身處的廚房冇水，即時大叫救命，可惜不但未獲同情，更遭鄭裕玲（Do姐）下狠話謂：「呢個係懲罰你呀！你以前蝦咁多美女吖喇！」小方聞言即識做地表示自己是來「消孽障」，隨即再向隔籬的周嘉洛「撲水」，可惜因有段距離，搞到小方「兩頭唔到岸」。小方在Fine Dining環節，除了被狠彈作品「鹹辣腥」外，更會遭牙尖嘴利的盈盈質問多年來水洗唔清的「假奶」事件，相當有娛樂性。

到底小方係表演定係煮嘢架？成個場你玩晒啦。

佢成個感覺都好遴迍。

盈盈質問小方當年「假奶」事件，唔知小方會點回應呢？

個個都彈小方個湯「鹹辣腥」，但小方就一飲而盡喎，睇嚟佢真係一心嚟「消孽障」。

至於周嘉洛的可疑之處，是他不但炒意粉步驟大錯特錯，更將牛肉喪炒至水份全失變牛肉乾；另由於控制火喉「無道」，佢廚房不時傳出「花火」以及連綿不絕的黑煙，嚇至美女試食團面容失色，盈盈更大叫「生化武器」、「毒氣襲擊」！

睇吓佢煮到啲嘢食幾乾。

嘩，仲冒出陣陣黑煙添。

認真睇，仲好似大火咗。

除了姿勢嚇壞人，嘉洛牌意粉的味道亦同樣「驚」人，被狠批又鹹又乾，無計可施的嘉洛，最終在王菀之提議以「舞」代「餸」務求挽回失地，結果成功技驚四座，獲得全場一致掌聲！

睇吓路人甲乙丙丁嘅樣，就知道佢煮嘅嘢食幾咁趕客咯。

最後喺王菀之鼓勵下，嘉洛決定出「舞」術，估唔到仲有睇頭過佢碟嘢食。

睇吓全場女士拍爛手掌架！

而茹素四年的關禮傑，除了煮得，仲相當talk得！首先他表示要送紙包蛋糕給Do姐，並笑言：「食一啖好好食 但食得快好惡啃！」Do姐聞言也不甘示弱：「你唔好亂講嘢，你個女喺我上手。」關禮傑更會回應拍攝經典跳天台戲份時的感受，萬勿錯過。

睇佢煮飯，好有住家男人嘅感覺。

認真下廚嘅男人真係好Man呀。

真兇揭盅！

由劉家豪總監製、陳志江監製、岑國榮、孫浩浩擔任編審的《逆天奇案2》，逢周一至周五晚八點半翡翠台播映，主要演員包括陳展鵬、林夏薇、馮盈盈、黃智賢、蔣祖曼、張頴康、劉佩玥、方力申及高鈞賢等。

姜大衞偷走龍頭棍嘅原因，身為佢代表律師嘅蔣祖曼已經估到晒。

姜大衞偷走龍頭棍嘅原因，身為佢代表律師嘅蔣祖曼已經估到晒。

姜大衞偷走龍頭棍係希望一家人可以移民去其他地方，畀乖孫可以喺一個健康快樂嘅環境成長。

昨晚（5日）一集單元「龍頭棍風暴」完滿落幕，偷走龍頭棍的真兇正是賀堅（姜大衞John哥飾）本人，目的原來是為了孫仔！賀堅不欲黑社會背景影響到乖孫的成長，因此設計一場大龍鳳將龍頭棍偷走，欲打退兒子賀永權（林景程飾）爭做龍頭的野心，希望一家人移民外地展開新生活。可惜永權被權欲熏心執意爭做龍頭，與死對頭耀星（翟威廉飾）鬥生鬥死，兩人在貨櫃場打大出手，永權更差點取了耀星的性命，最終森Sir（陳展鵬飾）趕到現場成功阻止悲劇發生。

林景程與翟威廉的打鬥戲雖然只有約1分半鐘，但拍攝過程絕不簡單！官方釋出相關場口花絮片段，翟威廉拿刀揮斬景程時，屋頂其中一塊天花意外落下，並狠狠擊中威廉的額頭，幸好威廉並沒有大礙，休息一會便重新投入拍攝，非常專業。拍攝當日正值33度高溫，穿着長袖的兩人不但要奪命狂奔，還要瘋狂埋身肉搏，兩人賣力演出拍到身水身汗，認真唔簡單。

相關影片可以按以下畫面觀看：

影片連結：

林景程同翟威廉大打出手，仲差啲錯手殺死對方，幸好展鵬及時趕到阻止事情發生。

翟威廉喺呢場打戲不慎被假天花擊中，好彩最終冇事！

雖然拍攝當日天氣好炎熱，但係林景程、翟威廉都係好賣力演出。

劇中主演的感情線亦是《逆天2》的看點之一，昨晚一集劇情適逢是情人節，Nic Sir（黃智賢飾）和Hazel（蔣祖曼飾）翻撻後首度過情人節，溫馨甜蜜滿瀉；與阿Wing（飾）分手的森Sir眼見街裏愛人一對對，自己卻形單隻影自隊雙餸飯，不禁黯然神傷！另邊廂，阿Wing與天才生物學教授唐冠峰（方力申Alex飾）在大學中邂逅，冠峰駕車載穎思一程，期間兩人大談愛情觀，冠峰認為愛情根本不存在：「大腦分泌出愛情感覺，大概會喺一年半到三年之後，呢種感覺就會消失，但係呢段時間足夠畀人類完成兩性結合同生育，愛情只係基因繁殖機制。」阿Wing則不太認同：「我覺得除咗基因繁殖之外，人類之間仲有陪伴同埋承諾，呢啲都包括喺愛情。」冠峰聞言再拋下大量學術術語反駁她，雖然直男指數爆晒標，但阿Wing對冠峰似乎有特別的感覺！

情人節有人開心有人愁，甩拖展鵬自隊雙餸飯。

蔣祖曼同黃智賢就Sweet到震。

飾演天才生物學教授的Alex的角色理性大於感性，事事都以科學理論來解釋，甚至於覺得「愛情」都是假的，Alex將角色的「直男特質」演繹到位。Alex受訪時透露靠幻想代入角色：「角色細細個就被老竇帶去荒島做科研，童年淨係得讀書同做研究，我嘗試用屋企嘅情況套番落角色，如果我老竇淨係同我講運動，搬去一個地方淨係練水，日日都係咁練，我都會感受到呢個痛苦，用呢個感受代入番個角色。」講到劇中要面對大量繞口劖手的專業術語對白，Alex透露獲視后檔林夏薇傳授秘笈：「薇薇教我可以錄低再翻聽，呢個方法啱晒我，因為每日都要揸成個幾鐘頭車，呢個方法好處係去到邊都可以聽，好似聽廣播劇咁，仲有可以聽番覺得演繹得好唔好，如果唔鍾意呢個方法就再錄過，確實幫咗我好多。同埋劇中有好多專業術語同埋英文，所以事前都要做足Research。」

劇中Alex直男指數爆晒標，問到他現實中的愛情觀時，他笑言：「感情方面唔係好識講。我覺得人大咗就會體會到，你覺得自己做得好時，可能人哋會覺得唔好，最緊要係對方覺得你係稱職嘅伴侶先係最緊要。」劇中Alex不時會大顯廚藝，問到現實中有否和女友玩煮飯仔？他笑謂：「大家都好忙冇乜時間煮嘢食，同埋對食嘢嘅要求都好易滿足，煮熟就得。」

方力申喺劇中唔相信世上有愛情，一切都只係化學作用。

小方劇中有唔少繞口對白，全靠薇薇傳授佢背對白大法。