娛圈事
生意興隆！
擁有三間珍珠奶茶店的劉威煌，最近與另一品牌合作於上水開設的第一間聯營店今日（14日）舉行剪綵儀式，除太太林佳琪（Sandy）現身支持外，一班圈中好友海俊傑與太太莫家慈、伍仲衡等到場祝賀。
劉威煌與另一品牌合作聯營店。
劉威煌太太林佳琪（Sandy）當然現身支持。
劉威煌透露與生意拍檔合資7位數（以百萬計）開設這間聯營店，亦承認在疫情下開店都幾大膽，但認為有危才有機。他說：「四年來做生意有高有低，希望可以盡快通關，有更多不同地方的人來。」他坦言獲得不少朋友提議合作加盟，更有意將飲食生意擴大，希望明年最少開多兩間店。
劉威爆夫婦與到賀的海俊傑夫婦。
問發展飲食生意可會忽略歌唱事業？劉威煌表示稍後會推出兩首歌曲，希望能夠一年開一次演唱會。他說：「依家自己做音樂，覺得空間會大啲，以前有啲公司會有制肘，會有硬性嘅計劃，但我採取態度係隨心啲。」
劉威煌（中）新店剪綵，海俊傑、伍仲衡到賀。
吳卓羲重返樂壇。
近年因內地真人騷《披荊斬棘》而爆紅的吳卓羲，近日到伍仲衡和周國豐主持的直播節目時表示，準備重返樂壇，正計劃推出《別怪她》2.0，並談及自己的事業低潮。
吳卓羲上伍仲衡和周國豐節目宣布重返樂壇
去年吳卓羲與謝天華、林曉峰、張智霖到馬來西亞開騷
吳卓羲直言自己「恨唱歌」，不過承認自己唱得唔好，他指「我唔係學唱歌出身，冇得呃，惟有不停練，以前監製會同我哋練咗歌先入錄音室，我錄一日8至10個鐘，嗰句唔好就返嚟補。」並指自己正計劃與鄧智偉推出《別怪她》2.0。之後仲開金口唱首本名曲《別怪她》及《紅蝴蝶》等歌曲。
直言自己恨唱歌，每次表演完表示好玩
他又提到因緋聞及負面新聞而陷入事業低潮期，稱：「行過報紙檔份份封面都係你，有真真假假，緋聞嗰啲嘢，假嘅嘢我又好驚人哋會信，返到屋企自己喺度諗我聽日點面對呢？過咗下一個禮拜，封面可能全部都變咗林峯。」其中被提到問古天樂借錢一事，他即回﹕「根本就冇呢件事，你又唔可以講咁多嘢，又唔可以叫當事人出嚟幫我澄清，都幾無奈幾無辜，我喺屋企好低落。」不過，他又稱做呢行要睇開啲。
提到低潮期的負面新聞表示好無奈
至於媽媽曾催婚望他成家立室，指「唔結婚唔緊要，帶個小朋友返嚟得㗎喇！」不過，吳卓羲指自己係單身，而且保守，所以無咁做。向來是孝順仔的吳卓羲，他坦言放假會陪媽媽「拍拖」。
至於擇偶條件，吳卓羲指緣份到就唔一定睇樣，但希望對方跟他一樣喜歡、欣賞煮食，不過，他現時十分享受單身生活，「我覺得自己一個人舒服啲，我唔理日後會唔會改變，我依家就係enjoy，（有冇追求者）冇留意，我唔出街，屋企太多嘢做。」
今次吳卓羲上直播節目又唱又傾心事，雖然被伍仲衡狠批唔夠氣
