前年11月初於太古城中心外1名灰衣男陳真涉嫌突然拿刀襲擊多人，該區時任區議員趙家賢上前勸阻時遭咬甩左耳，陳真否認3項有意圖而傷人罪及1項普通襲擊罪，案件今午於高等法院續審。另一名傷者憶述當時被告高叫「光復台灣」後走近，右手在背囊中「有啲郁動，抽隻手出來似想攻擊我哋」，丈夫上前欲阻止被告，突然手掩着肚說「佢有刀，快啲走」，被告在旁「一路（用手）打先生」頸後2、3下，聽到丈夫「好痛苦咁嗌」，遂上前烏身雙手推開被告，但「俾佢捉返住」「用嘢襲擊我」、「有尖嘅嘢拮我（上背）」，感覺痛楚「濕濕地」。案件明續。
資料圖片
另一名傷者梁碧琪作供亦指案發當日午後偕丈夫溫浩倫到太古城商場逛街，相約堂姐晚上用膳，曾在商場內看見防暴警察。離開商場過馬路前往用膳之際，梁碧琪在溫右方，背後6呎距離有一名男子即被告忽然「好大聲用普通話嗌咗句『光復台灣』」。當時被告右手插入胸前背囊，之後被告仍以普通話喃喃細語，但梁碧琪「唔知（佢）講咗啲乜」。溫帶重語氣反問道「你講乜X嘢？」被告沒有回應，沿行人路「行開咗」之後「返轉頭」。
資料圖片
夫婦二人一直望着被告，被告走近，右手在背囊中「有啲郁動，抽隻手出來似想攻擊我哋」，但其時尚未可見手掌。右邊堂姐發聲道「你唔好郁手呀」，被告繼續走近至4呎距離，丈夫上前欲阻止被告。當時被告背對自己，丈夫則面對自己，突然手掩着肚說「佢有刀，快啲走」。梁見到被告的右手沒有離開背囊，看不到被告手持刀或其他物件，看不到丈夫身上有血，亦不見2人有身體接觸，但丈夫表情痛苦。梁稱自己當時「好驚企咗喺度」，在丈夫再三敦促下「同堂姐行前2、3步」，而當時丈夫跪地半趴，被告則在旁，「一路（用手）打先生（溫）」頸後2、3下，當時沒有留意被告手持物品，只聽到丈夫「好痛苦咁嗌」。梁遂上前烏身雙手推開被告，但「俾佢捉返住（左手上臂）」，被告「用嘢襲擊我」、「有尖嘅嘢拮我（上背）」，感覺痛楚「濕濕地」，惟亦「見唔到乜嘢」。被告隨後甩手，梁自己側身跌倒地上，馬上起身求救，途中看見男保安和途人，遂稱「嗰度有個人有刀」，期間被告與堂姐糾纏。之後商場內有一群人走出來，助梁按壓傷口，其後送院治理。
資料圖片
鄭從展盤問梁時，指當時被告手在背囊外、溫曾言「呢度係香港來喎，做咩講啲咁嘅嘢？」、被告曾回應「我都唔知你噏乜」、有人叫罵「大陸佬」、被告從沒調轉回頭走、溫梁2人尾隨、梁拉住被告、溫曾衝向被告有身體接觸、溫曾舉右手襲擊被告、溫曾稱「我舐咗嘢」，梁一概否認，表示「冇印象」，解釋事發時雙方「冇拗撬」。
被告陳真被控於2019年11月3日，在香港太古城太古城道18號太古城中心外，意圖使溫浩倫Louis、梁碧琪、趙家賢Andrew身體受嚴重傷害，而非法及惡意傷害三人；另被控於同日同地襲擊梁瑩瑩。
證人溫浩倫及梁碧琪。
